வாழ்க்கை ஒன்றுதான்!

உலை அரிசிக்கு தெரிவதில்லை - அது

உருமாறி பலரின் பசியாற்றப் போவது!

ஊறும் அரிசிக்கு தெரிவதில்லை - அது

அரைபட்டு பின் அடுப்புக்கு போவது!

அட்சதை அரிசிக்கு தெரிவதில்லை - அது

மங்கலப் பொருளாகி ஆசிர்வதிக்கப் போவது!

வாய்க்கரிசிக்கு தெரிவதில்லை - அது

சந்ததிகள் கையால் சவத்தின் வாய்க்கு போவது!

ரேஷன் அரிசிக்கு தெரிவதில்லை - அது

ஏழை வீட்டில் மட்டுமே உணவாகப் போவது!

அரிசி ஒன்று தான் - ஆனால்,

பயன் வேறு வேறு!

வாழ்க்கை ஒன்று தான் - அது

வாழ்பவனையும், வாழும் விதத்தையும் பொறுத்தது!

— எஸ்.ஆர்.சாந்தி, மதுரை.