தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/இணைப்பு மலர்/வாரமலர்/கவிதைச்சோலை!

கவிதைச்சோலை!

கவிதைச்சோலை!


PUBLISHED ON : ஏப் 23, 2017

Follow on GoogleFavourite on Google

PUBLISHED ON : ஏப் 23, 2017


Follow on Google
Latest Tamil News
அ நிறம் | அளவு

மனம்

நாள்தோறும் நடக்கும்

சாலை விபத்து

செய்திகளை படிக்கும்போது

பதை பதைக்கிறது மனம்!

இரக்கமில்லாமல் கலப்படம்

செய்யும் அரக்கர்களை கண்டு

எதிர்க்க முடியாமல்

கொதிக்கிறது மனம்!

ஜாதி, மதச் சண்டையிட்டு

மண்டை உடையும்

வெறியர்களை பார்த்து

பரிதாபப்படுகிறது மனம்!

நாடுகள் வேறாக இருந்தாலும்

அப்பாவிகளை கொல்லும்

தீவிரவாதிகளின் செயல் கண்டு

வெறுக்கிறது மனம்!

சிரித்தபடியே

சிறை செல்லும் ஊழல்

அரசியல்வாதிகளை பார்த்து

காறி துப்புகிறது மனம்!

கோடி கோடியாக கொட்டி

எடுக்கும் திரைப்படங்கள்

காதலுக்காகவே உயிர் விடுவது

கண்டு சிரிக்கிறது மனம்!

மக்களின் அறியாமையையே

மூலதனமாக்கி பணம் சேர்க்கும்

ஆன்மிகவாதிகளின் திறமை கண்டு

சினம் கொள்கிறது மனம்!

இப்படி தினமும்

நம் எல்லாரின் மனமும்

பல உணர்வுகளை கொட்டுகிறது

நமக்கு வேறு வேலை வரும் வரை!

- 'சொல்கேளான்' ஏ.வி.கிரி, சென்னை.

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us