தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/இணைப்பு மலர்/வாரமலர்/கவிதைச்சோலை!

கவிதைச்சோலை!

கவிதைச்சோலை!


PUBLISHED ON : ஜூலை 02, 2017

Follow on GoogleFavourite on Google

PUBLISHED ON : ஜூலை 02, 2017


Follow on Google
Latest Tamil News
அ நிறம் | அளவு

அழகும், ஆபத்தும்!

அழகிய எதையும்

ஆபத்து சூழ்கிறது!

ஒளி தரும்

பொருளைத் தான்

இருளுக்குள்

வைக்கின்றனர்!

கிடைத்தவன்

போற்றுகிறான்

கிடைக்காதவன்

தூற்றுகிறான்!

அழகுக்கு

எப்போதும்

அப்படி ஒரு

தண்டனை!

அமைதியாக

இருப்பினும்

அழகைச் சுற்றி

ஏக்கப் பெருமூச்சாய்

எப்போதும் புயல் வீசுகிறது!

ஆர்ப்பரிக்கும்

அழகிலோ

அழிவை உண்டாக்கும்

பொறாமை தீ

பொங்கி எரிகிறது!

வெளிச்சம்

தருகிற அழகு

வெப்பத்தையும்

உண்டாக்குகிறது!

கவர்ந்து

இழுக்கும் அழகு

வாழ்வை

கவிழ்த்து விடுகிறது!

வணங்க

வைக்கும்

கண்ணியமே

நல் அழகு...

காலில் விழ

வைக்கும்

கவர்ச்சிகளோ

மன அழுக்கு!

நத்தையின்

கூடு போல

அழகை மறைத்து

அன்பை

வெளிப்படுத்துவது

நாகரிகம்!

இல்லாத அழகை

இருப்பதாய் காட்டி

மாயம் செய்வது

அநாகரிகம்!

அமைதி தருகிற

அழகு இருந்தால்

அது ஆனந்தம்

ஆசையை உண்டாக்கும்

அழகு இருந்தால்

அது பலவீனம்!

ஒப்பனை அழகு

கற்பனை அழகு

விற்பனை அழகையெல்லாம்

விட்டு விட்டு

கனிவான, கம்பீர

வீரமான அழகையே

வேண்டுவோம்!

ஆர்.வடுகம் சிவகுமார், ஈரோடு

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us