ஆசை... ஆசை....

அரசியல்வாதிகளுக்கு

பதவி மேல் ஆசை...

அல்லக்கைகளுக்கு

உழைக்காமல் சாப்பிட ஆசை!

கடின உழைப்பாளிகளுக்கு

ஓய்வெடுக்க ஆசை...

கல்லுாரி காளைகளுக்கு

கன்னியர் மேல் ஆசை!

இல்லத்தரசிகளுக்கு

குடும்பத்தின் மேல் ஆசை...

இல்லத்தரசர்களுக்கோ

ஊரை சுற்றி வர ஆசை!

கொள்ளையடிப்பவருக்கோ

பணம் பதுக்க ஆசை...

திருட்டுத்தனம் செய்பவருக்கோ

தவறை மறைக்க ஆசை!

நேர்மையாய் நடப்பவருக்கோ

நீதியின் மேல் ஆசை...

ஊழலில் திளைப்பவருக்கோ

மாட்டாமல் இருக்க ஆசை!

சாமானிய மக்களுக்கோ

வசதியாக வாழ ஆசை...

வசதியாய் வாழ்பவருக்கோ

நிம்மதியின் மேல் ஆசை!

புண்ணியம் செய்பவருக்கோ

புகழின் மேல் ஆசை...

பாவங்கள் செய்பவருக்கோ

பரிகாரத்தின் மேல் ஆசை!

இப்படி ஆசைகளின்

பட்டியலை சிந்திக்க

எனக்கும் வந்தது ஆசை!

இளம்பிறை பாரூக்,

சென்னை.