தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/இணைப்பு மலர்/வாரமலர்/கவிதைச்சோலை!

கவிதைச்சோலை!

கவிதைச்சோலை!


PUBLISHED ON : ஏப் 24, 2011

Follow on GoogleFavourite on Google

PUBLISHED ON : ஏப் 24, 2011


Follow on Google
Latest Tamil News
அ நிறம் | அளவு

பொய்மை புதைந்த பூவை நீ!

* காதல் என்ற

சுண்ணாம்பு காளவாயை

திறந்து வைத்தாய்...

இடறி விழுந்த என்னின்

ஆயுள் குடித்தாய்!

* உன் கலப்பட விழியை

என்னில் திணித்தாய்...

என் சுத்தமான காதலை,

'தீ' நாவால் சுவைத்தாய்!

* உன் ஒரு இதயத்தை வைத்து

வாழ்ந்து முடித்து விட்டேன்...

இனி, நான் சாவதற்காய்

இன்னொரு இதயம் கொடு!

* 'நம்பிக்கையற்ற'

என்ற சொல்லுக்கு...

அகராதியில்

உன் பெயரைத்தான்

சேர்த்திருப்பதாக

எனக்கொரு செய்தி!

* நீயொரு காரியவாதி...

உன்னை கட்டிக் கொண்டு

போன அவனும்...

உன்னை வெட்டிக் கொண்டு

வந்த நானும் - அப்பாவிகள்!

* இதயம் துடிக்கும் என்று

எனக்குத் தெரியும்...

இதயம் நடிக்கும் என்று

இப்போதுதான் உணர்ந்தேன்!

* இதயம் தசையாலானதென்று

எனக்குத் தெரியும்...

இதயமும் இரும்பாக இருக்குமென்று

இப்போதுதான் உணர்ந்தேன்!

* வஞ்சமில்லாத உண்மை நான்...

நெஞ்சமில்லாத பொய் நீ!

* பூ என்றால்

சிரிக்கக் கூடியது தானே...

உன்னையும்

பூவாகத்தான் நினைத்திருந்தேன்...

அழ வைத்து விட்டாய்!

* என்னை யாரும்

அவ்வளவு எளிதில்

வீழ்த்த முடியாது

என்றெண்ணியிருந்தேன்...

உன் சின்ன புன்னகையாலேயே

என்னை அழைத்துச் சென்று

புதை குழிக்குள் தள்ளி விட்டாய்!

* உன்னால் மட்டும்

எப்படி முடிந்தது...

ஒரே மைதானத்தில்

இரண்டு விளையாட்டுக்களை ஆடி

இரண்டிலுமே ஜெயிக்க!

— இளைய சாகுல், துபாய்.

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us