பெருமைப்படு தமிழா!

மண்ணை அளந்தாய்

விண்ணை அளந்தாய்

அணுவுக்குள் இருக்கும்

பெருவொளி நாதமெனும்

பிரணவத்தில் லயித்தாய்

அண்டம் ஆனந்தம் - விடை

கண்டவன் நீ...

பெருமைப்படு தமிழா!

ஆடு, மாடு மேய்த்தாய்

அரியணை ஏறினாய்

காடு வெட்டினாய்

கழனி அமைத்தாய்

மலையை குடைந்தாய்

சிலையை வடித்தாய்

பெருமைப்படு தமிழா!

உலகை சுற்றினாய்

உழவை கற்பித்தாய்

இழையோடும் காதலில்

இசைத்து நடனமிட்டாய்

பூ பந்து முழுதும்

வீரக்கல் நட்டாய்

பெருமைப்படு தமிழா!

ஆயுதம் செய்தாய்

ஆடையும் நெய்தாய்

நாட்டை ஆண்டாய்

நாடு கடத்தினாய்

கடலாடினாய்

கண்டம் முழுதும்

உறவை விரித்தாய்

பெருமைப்படு தமிழா!

ஒலியினும் வேகம்

ஒளிதான் நீயறிவாய்

மனோ வேகம் கற்று

ஆயிரத்து எட்டு கோடி

அண்டம் எண்ணி

ஆத்ம நாதனாய்

அருள்பவனும் நீயே...

பெருமைப்படு தமிழா!

லிங்கத்தை கல்லென மூடி

சுற்றி வரும் மதம்

லிங்க தோற்றத்தில்

ஆலயம் கட்டிய மதம்

உன் தாய் - தந்தை

வழி உறவென அறிவாயா?

யுகங்கள் மாறினாலும்

உன் சுவடுகள் மாறாது

எம்மதமும் ஓதும் வேதம்!

உடைந்த கண்ணாடி

சிதறலில் உன் முகம்

எதுவென கூறுவாயா...

ஆற்று மணலில்

தோற்றுவாய் தேடுவாயா...

உலகம் முழுதுமே

உன் உறவுகள்

பெருமைப்படு தமிழா!

பாரதிசேகர், சென்னை.