தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/இணைப்பு மலர்/வாரமலர்/கவிதைச்சோலை!

கவிதைச்சோலை!

கவிதைச்சோலை!


PUBLISHED ON : ஜூலை 24, 2011

Follow on GoogleFavourite on Google

PUBLISHED ON : ஜூலை 24, 2011


Follow on Google
Latest Tamil News
அ நிறம் | அளவு

தவிர்க்கிறேன்... தவிக்கிறேன்!

* யாருமற்ற மவுனத்தில்

இரவில் கரைந்தொழுகும்

உன் நினைவின் பிம்பங்கள்

வென்றெடுக்கிறது என்னை...

* களைத்தெடுக்க இயலா

கனவென

பிய்த்தெறிய முடியா

பச்சைக் குத்திய ரணமென

உன்னால் கிளர்ந்தெழும்

என் மன உணர்வின் தழும்புகளை

பிறர் காணக் கூடுமோ

எனும் அச்சத்தின் விளிம்பில்

தத்தளிக்கிறேன்!

* உனை தவிர்க்க

உள்ளுக்குள் மட்டுமே

உணர்வுகளை ஒளித்து வைத்து

ஏளனப் பார்வை ஒன்றை

உன்மேல் வீசி கடக்கிறேன்!

* ஆயினும், உறைய வைக்கவே

இயலவில்லை...

இமை மூடிய கண்ணுக்குள்ளும்

இதழ் மூடிய இதயத்துள்ளும்

நீ எழுப்பும் மெல்லிய

சலன அதிர்வுகளை!

— க.அகிலா, வண்டலூர்.

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us