தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/இணைப்பு மலர்/வாரமலர்/கவிதைச்சோலை!

கவிதைச்சோலை!

கவிதைச்சோலை!


PUBLISHED ON : ஆக 07, 2011

Follow on GoogleFavourite on Google

PUBLISHED ON : ஆக 07, 2011


Follow on Google
Latest Tamil News
அ நிறம் | அளவு

நட்பெனப்படுவது யாதெனில்...

* நண்பனே... உன்

நேசத்தை விட,

உன்னை நேசிக்கும்

என்,

ப்ரியம் மிகவும்

உன்னதமான தென்று

தெரியுமா, உனக்கு?

* என் சம்பந்தப்பட்ட

எதுவும் ஒரு

பொருட்டில்லை

உனக்கு...

ஆனால், உன்

சம்பந்தப்பட்ட

எதுவும்

மறந்ததில்லை

எனக்கு... அது

தெரியுமா, உனக்கு?

* நட்பை யாசித்து

பெறக் கூடாது

நண்பனே...

யாசித்தால், அது

அந்த நட்புக்கே

களங்கம்...

நட்புக்காக

யாசிக்கலாம்...

எதையும், யாரிடமும்!

அது, அந்த

நட்புக்கே

அலங்காரம்... அது

தெரியுமா, உனக்கு?

* நட்பு...

நட்புக்காக, எதையும்

மன்னிக்கும், மறக்கும்

தோளணைக்கும்

தோள் கொடுக்கும்

சேர்த்தணைக்கும் விரல்

இணைக்கும்... அது

தெரியுமா, உனக்கு?

* நட்பில்

கணக்கு பார்ப்பதும்...

கணக்காய் இருப்பதும்

தவறடா... என்

தோழா...

நட்பிற்கும் ஒரு

இலக்கணமுண்டு!

கணலணைய

கற்புமுண்டு... அது

தெரியுமா, உனக்கு?

* என்றோ ஒரு நாள்

என் நேசமும்,

என் நட்பும்

உனக்குப் புரியும்

என்ற நம்பிக்கையில்

தினமும்

நாட்களை

நான் கடத்துகிறேன்

அதாவது...

தெரியுமா, உனக்கு?

— ஜே.சி.ஜெரினா காந்த், சென்னை.

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us