PUBLISHED ON : ஆக 21, 2011

பெண்ணே!
* உன்னை காதலித்த பின்தான்
தெரிந்து கொண்டேன்...
வாழ்த்துபவர்களை விட
வீழ்த்துபவர்களே அதிகமென்று!
* உன்னை காதலித்த பின்தான்
தெரிந்து கொண்டேன்...
போற்றுபவர்களை விட
தூற்றுபவர்களே அதிகமென்று!
* உன்னை காதலித்த பின்தான்
தெரிந்து கொண்டேன்...
போதிப்பவர்களை விட
சதிப்பவர்களே அதிகமென்று!
* உன்னை காதலித்த பின்தான்
தெரிந்து கொண்டேன்...
புகழ்பவர்களை விட
இகழ்பவர்களே அதிகமென்று!
* உன்னை காதலித்த பின்தான்
தெரிந்து கொண்டேன்...
சேர்த்து வைப்பவர்களை விட
பிரித்து வேடிக்கை பார்ப்பவர்களே அதிகமென்று!
* உன்னை காதலித்த பின்தான்
தெரிந்து கொண்டேன்...
சிரிக்க வைப்பவர்களை விட
அழ வைப்பவர்களே அதிகமென்று!
* உன்னை காதலித்த பின்தான்
தெரிந்து கொண்டேன்...
காதலித்து ஜெயித்தவர்களை விட
தோற்றவர்களே அதிகமென்று!
* உன்னை காதலித்த பின்தான்
தெரிந்து கொண்டேன்...
காதல் தோல்வி தினமென
ஒரு நாள் இருந்தால்...
அந்நாளில் —
ஊருக்கு ஊரு, தெருவுக்கு தெரு
தோரணம் கட்டி
காதல் சோக பாட்டை
ஒலிபெருக்கியில் வைத்து
தாடியோடு தண்ணியடித்தபடி
காதலர் தினத்தை விட சிறப்பாய்
உலகமே
அந்நாளை கொண்டாடுமென்று!
— பொட்டல்குழி ரா.ரெத்தினமணி, பாளை., மத்திய சிறைச்சாலை,
நெல்லை.
