தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/இணைப்பு மலர்/வாரமலர்/கவிதைச்சோலை!

கவிதைச்சோலை!

கவிதைச்சோலை!


PUBLISHED ON : பிப் 26, 2012

Follow on GoogleFavourite on Google

PUBLISHED ON : பிப் 26, 2012


Follow on Google
Latest Tamil News
அ நிறம் | அளவு

விழித்தெழுங்கள்!

* ஒரு சொட்டு

கண்ணீர் வந்தாலும்

பட்டென்று துடைப்பதற்கு

இரு கைகள்!

* விரல் நுனி வலித்தாலும்

வெளி நடப்பு செய்யும்

விழிநீர்த் துளிகள்!

* வியப்பு தான்!

சின்னச்சின்ன ஆசைகளையும்

நிறைவேற்ற துடிக்கும்

சிறகடிக்கும் எண்ணங்கள்...

இறுதிவரை முயலச் சொல்லும்

மூளை!

* காரிருள் - கண்

மறைந்த போதும்...

பேரிடர் - பின்

தொடர்ந்த போதும்...

உள்மனம் உறக்கச் சொல்லும்

அமைதியாயிரு...

என்றும் விவேகமாயிரு!

* நினைத்ததைச் சாதிக்க

நினைக்கையில் - நம் கை

பத்து விரல்களும் பக்கபலமாய்...

வெற்றியைக் கூட்டும் வீரர்களாய்...

இனி நமக்கென்ன கவலை?

* விலங்காய், விட்டிலாய்,

பறவையாய் மடிவதற்கு

நாம் ஒன்றும்

ஐந்தறிவு ஜீவனல்ல...

நமக்குள்ளேயே

நம்பிக்கை விருட்சம்

விதையாய் இருக்கிறது!

* விழித்தெழுங்கள்...

ராக்கெட் விசையும்,

ராணுவ பலமும் நமக்குள்ளே!

கவலைக்கு விலங்கிடுங்கள்!

வாழ்வில் - சூரியனாய்

சுடர் விடுவோம்!

— அர.அகிலா, திருப்பூர்.

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us