தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/இணைப்பு மலர்/வாரமலர்/இது உங்கள் இடம்!

இது உங்கள் இடம்!

இது உங்கள் இடம்!


PUBLISHED ON : செப் 18, 2016

Follow on GoogleFavourite on Google

PUBLISHED ON : செப் 18, 2016


Follow on Google
Latest Tamil News
அ நிறம் | அளவு

ஜாதக பைத்தியம்!

சமீபத்தில், என் நண்பர், தன் மகனை ஜாமினில் எடுப்பதற்காக என்னையும் கூப்பிட, அதிர்ந்து போய், 'என்னாச்சுப்பா... நல்ல பையன் தானே... என்ன செய்தான்...' என்று கேட்க, அவர் கூறிய பதிலால், மேலும் அதிர்ந்து போனேன்.

நண்பரின் மகன், குரு பெயர்ச்சியின் போது வம்பு, வழக்குகளில் சிக்கிக் கொள்வான் என, அவனது ஜாதகத்தில் இருந்ததாம். பெரும் பிரச்னைகளில் சிக்கி, பெரிய வழக்காக வரும் முன்பே, 'பாரில்' சும்மா சண்டை போடச் சொல்லியுள்ளார் நண்பர். அவனும், அதுபோலவே செய்து, போலீசிடம் மாட்டி, இப்போது சிறையில் இருக்கிறான்.

'இது சாதாரண வழக்கு தானே... குருப்பெயர்ச்சிக்கான பலன், இத்தோடு முடிந்து விடும் அல்லவா...' என, என்னை பார்த்து கேட்க, அவரின் ஜாதக பைத்தியத்தை நொந்தபடியே, தலையில் அடித்துக் கொண்டேன்.

— எஸ்.தேவேந்திரன், திருச்சுழி.

அவசர சேவைக்கு சபாஷ்!

என் மகனுக்கு, முடி வெட்டுவதற்காக, சலூனுக்கு சென்றிருந்த போது, அங்கிருந்த சுவரில் ஒட்டப்பட்டிருந்த நோட்டீசை பார்த்தேன்.

அதில், அவசர போலீஸ் - 100, தீயணைப்பு - 101, ஆம்புலன்ஸ் - 102 மற்றும் 108, போக்குவரத்து விதி மீறல் - 103 என்றிருந்தது. மேலும், குழந்தைகளுக்கான உதவி - 1098, பெண்களுக்கான உதவி - 1091, முதியோருக்கான உதவி - 1253, தேசிய நெடுஞ்சாலை உதவி- 1033, கடலோர பகுதி உதவி -1093, ரத்த வங்கி -1910 மற்றும் கண் வங்கி - 1919 போன்ற முக்கிய அவசர உதவி எண்களும், குறிப்பிடப்பட்டிருந்தது.

தொடர்ந்து, விலங்குகள் பாதுகாப்பு, நுகர்வோர் நீதிமன்றம், பாலியல் வன்கொடுமை தடுப்பு, வங்கி திருட்டு, லஞ்ச ஒழிப்பு, வரி ஏய்ப்பு மற்றும் கல்லூரிகளில், 'ராகிங்' கொடுமை என, 30க்கும் மேற்பட்ட எண்கள் அச்சிடப்பட்டு இருந்ததைக் கண்டு, பிரமித்துப் போனேன்.

இதுபற்றி, கடைக்காரரிடம் கேட்ட போது, 'அன்றாட வாழ்க்கையில், நாம் எத்தனையோ பிரச்னைகளை சந்திக்கிறோம்; அவசர உதவிக்கும், ஆபத்திற்கும், அத்துமீறல்களை தடுக்கவும், இந்த எண்கள் மிகவும் பயன்படும். இதன் மூலம், பலரும் தீர்வு கண்டிருப்பது, எனக்கு மகிழ்ச்சியளிக்கிறது...' என்றார்.

அவருக்கு, சபாஷ் போட்டு வந்தேன்!

— பி.சதீஷ்குமார், மதுரை.

பள்ளி மற்றும் கல்லூரிகளில் குளிரூட்டப்பட்ட அறை தேவையா?

இன்று ஒரு சில தனியார் பள்ளிகளில், வகுப்பறை மற்றும் விடுதி அறைகள், 'ஏசி' வசதி செய்யப்பட்டுள்ளன.

பொதுவாகவே, பள்ளி மற்றும் கல்லூரிகளில், போதுமான அளவு காற்றோட்டம் மற்றும் வெளிச்சம் இருக்குமாறு தான் கட்டடங்கள் கட்டப்படுகின்றன. அவற்றில் ஏன் குளிர்சாதன வசதி... கட்டடங்களே வெளியில் தெரியாத அளவுக்கு மரங்களை வளர்ப்பதுடன், கொசு உள்ளிட்ட பிரச்னைகள் வராமல் இருக்க, மூலிகைச் செடிகளையும் வளர்க்கலாமே!

மேலும், மின் விசிறி கூட தேவைப்படாத அளவுக்கு சுற்றுச்சூழலுக்கு உகந்த வகுப்பறைகள் மற்றும் விடுதி அறைகளை உருவாக்குவது, கல்வி நிறுவனங்களுக்கு, சாதாரண விஷயம்!

படிப்பு பாதிக்காத அளவு, குறிப்பிட்ட நேரம் செலவழித்து, மரம், செடி, கொடிகளை வளர்க்க மாணவ - மாணவியரை ஊக்கப்படுத்தினால், அது, அவர்களுக்கு உடற்பயிற்சி செய்தது போன்றும், மீண்டும் வகுப்பறைக்கு வரும் போது, புத்துணர்வுடன் படிக்கவும் தூண்டும். படித்து முடித்து, வேலைக்கு செல்லும் காலத்தில், தங்கள் வீட்டிலும் இதை கடைப்பிடிக்க முயற்சிப்பர்.

பல லட்ச ரூபாய் சம்பாதிக்கும் கல்வியை கற்று தருவதுடன், பூமியை பத்திரமாக பார்த்துக் கொள்வது எப்படி என்பதையும், பள்ளிகள் மற்றும் கல்லூரிகள் கற்றுத் தருமா?

— ஜி.சிவராஜ், திருவாரூர்

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us