தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/இணைப்பு மலர்/வாரமலர்/திண்ணை - நடுத்தெரு நாராயணன்

திண்ணை - நடுத்தெரு நாராயணன்

திண்ணை - நடுத்தெரு நாராயணன்


PUBLISHED ON : செப் 19, 2010

Follow on GoogleFavourite on Google

PUBLISHED ON : செப் 19, 2010


Follow on Google
Latest Tamil News
அ நிறம் | அளவு

அண்ணாதுரை ஏதேனும் ஒரு உத்தியோகத் தில் இருக்க வேண்டும் என்பது, அவரது சின்னம்மாவின் (வளர்ப்புத் தாயார்) விருப்பம்; ஆனால், அண்ணாதுரைக்கோ, ஒருவரின் கீழ் பணிபுரிவதில் விருப்பமில்லை. சிறிய தாயாரின் சொல்லை, அண்ணாதுரை எப்போதும் தட்டிப் பேசியதில்லை. எனவே, அவரது வற்புறுத்தலின் பேரில் அப்போது, 'குமார' ராஜாவாக இருந்த சர்.முத்தையா செட்டியாரை சந்திக்க, அண்ணாதுரை சென்றார்.

குமார ராஜா, தன் அரண்மனைக்கு அருகே ஓடும் (சென்னை) அடையாற் றில் படகில் அமர்ந்தபடி, அண்ணாதுரையுடன் உரையாடிக் கொண்டே சென்றார். 75 ரூபாய் சம்பளம் தரக்கூடிய கல்லூரியில், விரிவுரையாளர் வேலை தர வேண்டுமென்று அண்ணாதுரை கேட்டதற்கு, 'அது வேண்டாம்; நம் ஜஸ்டிஸ் கட்சிக்கு நல்ல பேச்சாளர் கிடைப்பது பின் அரிதாகிவிடும். ஆதலால், எனக்கு அந்தரங்க செயலராக இருங்கள். மாதம் 120 ரூபாய் சம்பளம் தருகிறேன்!' என்றார் குமார ராஜா.

ஆனால், அண்ணாதுரை வீடு திரும்பியதும், 'அன்புள்ள ஐயா... தங்கள் பணியை மேற்கொள்ள இயலாததற்கு வருந்துகிறேன்!' என்று ஒரே வரியில் ராஜாவுக்கு கடிதம் எழுதிப் போட்டு, பிரச்னையிலிருந்து விலகிக் கொண்டார்.

பிறகு அண்ணாதுரை, வேறோரு அரசியல் பிரமுகரிடம், கிளார்க் வேலைக்காக சிபாரிசு கடிதம் பெற்று, சப்-மாஜிஸ்டிரேட் ஒருவர் வீட்டிற்குச் சென்றார். மாதிஸ்டிரேட் அப்போது வீட்டினுள் சாப்பிட்டுக் கொண்டிருந்தார். வெளியில் இருந்த வேலைக்காரரிடம், ஒரு காகிதத்தில், சி.என்.அண்ணாதுரை, காஞ்சிபுரம் என்று எழுதிக் கொடுத்து, 'இதை சப்-மாஜிஸ் டிரேட்டிடம் காண்பித்து, நான் வந்திருப்பதாகச் சொல்லு...' என்று அனுப்பி விட்டு, வெளியில் நின்று கொண்டிருந்தார்.

வேலைக்காரர் கொடுத்த சீட்டைப் பார்த்த சப்-மாஜிஸ்டிரேட், சாப்பாட்டைக் கூட பாதி யிலேயே வைத்து விட்டு, வெளியில் வந்தார். 'வாருங்கள்! வாருங்கள்! தாங்கள் தான் அண்ணாதுரையா? ஐம்பது வயதாவது இருக்கும் என்று எண்ணினேன். இவ்வளவு இளமையாக  இருக்கிறீர்களே...' என்று கூறிக் கொண்டே, 'தாங்கள் எனக்கு ஒரு உதவி செய்ய வேண்டும். ஆற்காடு ராமசாமி முதலியாரிடம் சொல்லி, எனக்கு நீதிபதி வேலை வாங்கித் தர தாங்கள் தான் சிபாரிசு செய்ய வேண்டும்!' என்று கேட்டுக் கொண்டார்.

வேலை தேடி வந்த அண்ணாதுரையோ, தனக்கு அரசியலில் நல்ல செல்வாக்கும், எதிர்காலமும் இருப்பதைக் கண்டு, வேலை கூடக் கேட்காமல் வீடு திரும்பி விட்டார்; தீவிர அரசியலில் ஈடுபடலானார்.

***

எம்.ஜி.ஆர்., பதில்கள்:

உங்களால் பாதிக்கப்பட்டவர்கள் யாராவது இருக்கின்றனரா?

நானே இருக்கிறேனே, போதாதா?

உண்மை அழிந்த பின், நிலைத்திருப்பது என்ன?

உண்மை தான்! ஏனென்றால், அது அழிவது கிடையாது.

நீங்கள் எதை நம்புவதில்லை?

நடிகர்களுக்குக் கிடைக்கும் புகழ் நிரந்தரமானது என்பதை!

எதிர்ப்புகளைத் தாங்கக் கூடிய மனப்பக்குவத்தை எப்படி பெற்றீர்கள்?

என் வளர்ச்சியாலோ, எனக்குக் கிடைக்கிற ஆதரவாலோ அல்லது என்னையும் அறியாமல் நான் செய்கிற தவறுகளாலோ இன்று எனக்கு எதிர்ப்புகள் இருக்கலாம். ஆனால், கடந்த காலத்தில் இப்படிப்பட்ட காரணங்கள் எதுவும் இல்லாமலேயே, பல துன்பங்களையும், துயரங் களையும் தாங்கி, பரிதாப நிலையில் வாழ்ந்தவன் நான். அதை எண்ணிப் பார்க்கும் போது, இந்தத் தாக்குதல்களும், எதிர்ப்பும் எனக்கு மிகச் சாதாரணமாக தோன்றுகிறது.

—'சமநீதி'  இதழிலிருந்து...

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us