கால்நடை வளர்ப்பில் விவசாயிகள் சில முன் மாதிரிகளை கையாள வேண்டும். இதன்படி கறவை மாடுகளுக்கு புளித்த நீரை குடிப்பதற்கு குடிக்க கொடுக்க கூடாது.

மாட்டின் மொத்த பால் உற்பத்தி குறையும் என்பதால் கன்று ஈன்ற மாடுகளை 85 நாட்களுக்கு முன் சினைப்படுத்தக்கூடாது. அதிக வெளியில் உள்ள நேரமான காலை 11:00 முதல் பகல் 2:00 மணி வரை மாடுகளை மேய்ச்சலுக்கு அனுப்பக்கூடாது. மக்காச்சோளத்தின் செரிமானம் குறையும் என்பதால் அரைகுறையாக அரைத்து கொடுக்கக்கூடாது. கன்று ஈன்ற மாடுகளில் நஞ்சுக்கொடி விழவில்லை எனில் அதில் கல்லை கட்டி விடக்கூடாது.

ஒரு ஈத்து முடிய கலப்பு தீவனவனத்தில் உள்ள தீவன வகைகளை அடிக்கடி மாற்றக்கூடாது. அட்ரீனல் என்ற ஹார்மோன் சுரக்கும் என்பதால் பால் கறக்கும் சமயங்களில் மாடுகளை பயமுறுத்தக்கூடாது. அதிகப்படியான புரதச்சத்து அமோனியா வாயுவாக மாறி கர்ப்பப்பையை தாக்கும் என்பதால் தேவைக்கு அதிகமாக புரதச்சத்துக்களை மாடுகளுக்கு கொடுக்கக்கூடாது. மாட்டுத் தொழுவத்தை கழுவிய நீரை சாணம் மற்றும் சிறுநீருடன் அப்படியே வயல்களுக்கு பாய்ச்சி புல் சாகுபடி செய்யக்கூடாது. அரை குறையாக கறந்து பாலை மடியில் தேங்க விடக்கூடாது.

- டாக்டர் வி.ராஜேந்திரன், முன்னாள் இணை இயக்குனர்

கால்நடை பராமரிப்புத்துறை

94864 69044