மணிலா டென்னிஸ் பால் செர்ரி பழம் சாகுபடி குறித்து, செங்கல்பட்டு மாவட்டம், கரும்பூர் கிராமத்தைச் சேர்ந்த விவசாயி கே.சசிகலா கூறியதாவது:

நம்மூர் கோடை வெயில் மற்றும் மழைக்கு ஏற்றவாறு, குளிர் மற்றும் வறண்ட பிரதேசங்களில் விளையும், பல வித பழங்கள் மற்றும் காய் மரங்களை சாகுபடி செய்யலாம்.

அந்த வரிசையில், மணிலா டென்னிஸ் பால் செர்ரி பழம் சாகுபடி செய்துள்ளேன்.

இது, மாடி தோட்டம் மற்றும் விளை நிலங்களில் எளிதாக சாகுபடி செய்யலாம். அந்த அளவிற்கு நன்றாக வளரும் தன்மை உடையது.

நம்ம ஊரு மணல் கலந்த களிமண், சவுடு மண் உள்ளிட்ட பல வித வளம் பொருந்திய மண்ணுக்கு இந்த பழ மரம் ஊட்டத்துடன் வளர்கிறது.

குறிப்பாக, செர்ரி பழம் என்றால், சிறியளவில் இருக்கும். இந்த மணிலா டென்னிஸ் பால் செர்ரி, நாவல் பழம் சைஸ்சில் இருக்கும். இது, நிறைய காய்கள் காய்க்கும் தன்மை உள்ளதால், அதிக மகசூல் கிடைக்கும்.

இவ்வாறு அவர் கூறினார்.

தொடர்புக்கு: கே.சசிகலா, 72005 14168