பூச்சி தாக்குதலுக்கு ரசாயன மருந்துகளை பயன்படுத்துவதால் பயிர்களும், கால்நடைகளும் பாதிப்படைகின்றன. அவற்றை தடுக்க மூலிகைப்பூச்சி விரட்டி சிறந்த மருந்தாக உள்ளது. இதற்காக பூச்சிகளை சாகடிக்க வேண்டாம். இனப்பெருக்கம் செய்ய விடவும் வேண்டாம். பூச்சிகளை விரட்டினாலோ போதும். அவை தானாகவே குறைந்து பொருளாதார சேத நிலைக்குள் கட்டுப்பட்டு வாழ்வதற்கும் நமது சுற்றுச்சூழல் மாசுபடாமல் தடுக்கும்.

கசப்பு சுவை இலை

விவசாயிகள் தோட்டத்தில் சுற்றிப் பார்த்து கிடைக்கும் பல மூலிகைகளில் குறிப்பாக கால்நடைகள் உண்ணாதவை, கசப்பான சுவை கொண்டவை, துர்நாற்றம் வீசுபவை, பசையும், விஷத்தன்மை யும் கொண்டதாக இருப்பது எது, என சேகரித்து மண்புழுக்களை பாதிக்காதவைகள் தேர்வு செய்து பயன்படுத்தலாம். குறிப்பாக அனைத்து பகுதிகளில் வேலியிலும், பிற பகுதியிலும் வளர்ந்துள்ள மூலிகைகளில் நொச்சி இலை, சங்குப்பூ, எருக்கம் பூ இலை, சோற்று கற்றாழை, வேப்பம் இலை, ஆடா தொடா இலை, கருவேலம் இலை, புங்க மர இலை, அதன் விதைகள், காட்டா மணக்கு இலைகள், ஊமத்தை இலை, அதன் காய்கள், சீத்தாப்பழ இலைகள், அதன் காய்கள். பப்பாளி இலை, புகையிலையின் உவர் துார், உண்ணிச்செடி இலை, விளாம்பழ இலை, பிரண்டை, தும்பைச்செடி ஆகியவற்றில் குறைந்த பட்சம் பத்து தாவர பொருட்களை 15 லிட்டர் தண்ணீரில் கலந்து மண் பானையில் 3 மணி நேரம் கொதிக்க வைத்து இறக்க வேண்டும்.

இவை குளிர்ச்சி அடைந்ததும் 2 கிலோ மஞ்சள் துாள் சேர்த்து 12 மணி நேரம் வைக்க வேண்டும். இதன் பின் வடிகட்டி இலை வழித்தெளிப்பு செய்யலாம். அதாவது கலவையில் 5 லிட்டர் எடுத்து 100 லிட்டர் தண்ணீரில் கலந்து தெளித்தால் போதும். இவை பூரண பயிர் பாதுகாப்பு, விஷ பூச்சிகள் தாக்குதலின்றி, பயிர் ஊக்கியாகவும் செயல்படுகிறது.

- டாக்டர். பா.இளங்கோவன்

வேளாண் துணை இயக்குனர், தேனி.

98420 07125