 முதல்வர் பேசிய போது சில தகவல்களை தனது நிதி ஆலோசகரான, எம்.எல்.ஏ., பசவராஜ் ராயரெட்டியிடம் கேட்டார். சட்டசபையில் வந்தும் வேலை செய்கிறார் என்று கூறினார். இதை கிண்டல் அடித்த எதிர்க்கட்சியினர், ராயரெட்டிக்கு அமைச்சர் பதவி கொடுக்கலாமே என்றனர். அவர் ஏற்கனவே அமைச்சராக பணியாற்றி விட்டார் என்று சித்தராமையா கூறினார்.

 பல்லாரி காங்கிரஸ் எம்.எல்.ஏ., பரத் ரெட்டி அத்தி பூத்தது போல, சட்டசபைக்கு வந்து ஆச்சரியம் அளித்தார்.

 எதிர்க்கட்சியினருக்கு பதிலடி கொடுத்து முதல்வர் பேசும் போது, ஹரப்பனஹள்ளி சுயேச்சை பெண் எம்.எல்.ஏ., லதாவும், மேஜையை தட்டி வரவேற்றார்.

 சபாநாயகர் காதர் பட்டு சட்டை, வேஷ்டி அணிந்து வந்திருந்தார்.

 சட்டசபைக்கு பா.ஜ., விஜயேந்திரா வந்ததில் இருந்து தனது இருக்கையில் அமராமல், ஒவ்வொரு இருக்கையாக மாறி, மாறி அமர்ந்து, தன் கட்சி உறுப்பினர்களுடன் பேசினார்.