அதன்பின் இளம்பெண், பழைய காதலை மறந்துவிட்டு, கடந்த மூன்று வாரங்களுக்கு முன், வேறு ஒரு இளைஞரை திருமணம் செய்து, புது வாழ்க்கையை துவக்கினார்.

இது, முன்னாள் காதலர் அம்பரிஷுக்கு பொறாமையை ஏற்படுத்தியது. காதலிக்கும் நாட்களில் இளம்பெண் தன்னுடன் எடுத்து கொண்ட போட்டோக்கள், வீடியோக்களை இளம்பெண்ணின் நண்பர் சுனில்குமாருக்கு அனுப்பினார்.

சுனில்குமாருக்கும், இளம்பெண்ணுக்கும் ஏதோ காரணத்தால் மனக்கசப்பு இருந்தது.

எனவே போட்டோக்கள், வீடியோக்களை அவரது கணவருக்கு அனுப்பும்படி அம்பரிஷ் கூறினார். சுனில்குமாரும் இளம்பெண்ணின் கணவருக்கு அனுப்பினார். தன் மனைவி வேறு ஒருவருடன் நெருக்கமாக உள்ள வீடியோக்கள், போட்டோக்களை பார்த்த கணவர், கோபமடைந்தார். உன் சகவாசமே தேவையில்லை என கூறி தாலியை பறித்து கொண்டு, பெண்ணை அவரது தாய் வீட்டுக்கு அனுப்பிவிட்டார்.

கழுத்தில் தாலி ஏறிய ஒரு மாதம் ஆவதற்குள், பெண்ணின் திருமண வாழ்க்கை அஸ்தமனமாகிவிட்டது. இதனால் மனம் நொந்த இளம்பெண், நியாயம் கேட்டு அம்பரிஷின் வீட்டு முன், நேற்று தர்ணாவில் ஈடுபட்டார். ஆனால் அவர் தன் வீட்டை பூட்டிக்கொண்டு, குடும்பத்துடன் தலைமறைவாகி விட்டார்.

அம்பரிஷ் மீது, சித்லகட்டா போலீஸ் நிலையத்தில், இளம்பெண் புகார் செய்துள்ளார். போலீசாரும் வழக்கு பதிவு செய்து, விசாரணையை துவக்கி உள்ளனர்.