ஷிவமொக்கா மாவட்டத்தில் உள்ள மேல் நிலைப்பள்ளி மாணவர்கள், ஆசிரியர்களுடன் உத்தரகன்னடா மாவட்டம், குமட்டா தாலுகாவின், கோகர்ணாவுக்கு சுற்றுலா வந்துள்ளனர். பல இடங்களை பார்த்துவிட்டு, நேற்று காலையில் கோகர்ணா கடற்கரைக்கு வந்தனர்.

ஆசிரியரும், முகமது ஜிலால், 15, ஆகாஷ், 15, நியாஜ், 15, உட்பட நான்கு மாணவர்களும் கடல் நீரில் இறங்கி விளையாடினர். அப்போது ராட்சத அலைகளில் சிக்கி அடித்து செல்லப்பட்டனர்.

இதை பார்த்த 'லைப் கார்டு' ஊழியர்கள் உடனடியாக கடலில் குதித்து, நீந்தி சென்று அவர்களை காப்பாற்றி கரைக்கு அழைத்து வந்தனர். அவர்களுக்கு முதலுதவி சிகிச்சை அளிக்கப்பட்டது.