நேற்று அவர் அளித்த பேட்டி:

தார்வாட் மாவட்டத்தில் கடும் வறட்சி நிலவுகிறது. தற்போது, மிதமான வறட்சி என அறிவிக்கப்பட்டு உள்ளது. அதை கடுமையான வறட்சி என அறிவிக்க வேண்டும். மழையின்மையால் விவசாயிகள் நஷ்டத்தை சந்திக்கின்றனர். விவசாயிகளின் பயிர்க்கடனை முழுமையாக தள்ளுபடி செய்ய வேண்டும். பயிர் சேதம் அடைந்த நிலத்தில், 2 ஏக்கருக்கு 50 ஆயிரம் ரூபாய் இழப்பீடு வழங்க வேண்டும்.

என்னுடைய கோரிக்கைகளை மாநில அரசு நிறைவேற்ற வேண்டும். விவசாயிகளின் முழு பயிர் கடனும் தள்ளுபடி செய்யப்பட்டால், என் ஒரு ஆண்டு சம்பளத்தை விவசாயிகளுக்கு தருகிறேன். மாநில அரசு தற்போது விவசாயிகளுக்கு வழங்கும் 2,500 ரூபாய் மானியம் போதாது. நிவாரண தொகை உயர்த்தப்பட வேண்டும்.

இவ்வாறு அவர் பேசினார்.