கணவர் சாபண்ணாவும், மகள்கள் சாக்ஷி, 15, ரக்ஷிதா,10, மகனும் வீட்டில் இருந்தனர். பூஜை முடிந்து மாலையில் லட்சுமிபாய் வீடு திரும்பிய போது, மகள்களையும், கணவரையும் காணவில்லை. தோட்டம், உறவினர் வீடுகளில் தேடியும் அவர்கள் அங்கு இல்லை. வீட்டின் அருகில் உள்ள திறந்த கிணற்றின் அருகில், கணவர் சாபண்ணாவின் உடைகள் இருந்தன.

பீதியடைந்த லட்சுமிபாய், கிராமத்தினர் உதவியுடன், போலீசாருக்கு தகவல் கொடுத்தார். அங்கு வந்த நிடகுந்தி போலீசார், கிணற்றில் தேடினர். சாக்ஷி, ரக்ஷிதாவின் உடல்கள் கண்டுபிடிக்கப்பட்டன. ஆனால் சாபண்ணாவின் உடல் கிடைக்கவில்லை.

கிராமத்தினரும், போலீசாரும் கிணற்றின் நீரை முழுமையாக காலி செய்து தேடியும் தென்படவில்லை. சிறுமியர் எப்படி கிணற்றில் விழுந்தனர், தற்கொலை செய்து கொண்டனரா அல்லது தந்தையே கிணற்றில் தள்ளி கொன்றாரா என்பது தெரியவில்லை.

சாபண்ணாவை தேடுகின்றனர். போலீசார் பல கோணங்களில் விசாரணை நடத்துகின்றனர்.