 'பெங்களூரு திருவிழா' ஏற்பாட்டாளர்களின் ஒருங்கிணைப்பில், மாநிலத்தில் ஆண்டு தோறும் நாடகம், ஓவியக்கலை, சிற்பக்கலை உட்பட மற்ற கலை, கலாசார நிகழ்ச்சிகளை ஏற்பாடு செய்ய, ஐந்து கோடி ரூபாய் நிதியுதவி வழங்கப்படும்

 கிராமிய கலைஞர்கள், பழங்குடியின கலைஞர்கள், வித்வான்கள், வாத்திய கலைஞர்கள் அடங்கிய மாநாடுகள், 'ஜானபத சங்கமா' என்ற பெயரில் நடத்தப்படும். இதற்காக இரண்டு கோடி ரூபாய் செலவிடப்படும்

 தேசிய கவிஞர் சிவருத்ரப்பாவின் பிறந்த நாளை முன்னிட்டு, அவரது பெயரில் விருது வழங்க இரண்டு கோடி ரூபாய் வழங்கப்படும்

 சந்த சிசுனாள ஷரீபா மற்றும் வீர ராணி பெளவடி மல்லம்மா பெயரில், தனித்தனியாக அறக்கட்டளை அமைக்கப்படும்

 ஞானபீட விருது பெற்ற அனந்த மூர்த்தியின் பெயரில், குவெம்பு பல்கலை கழகத்தில், ஒரு ஆய்வு மையம் அமைக்கப்படும்

 சிறார்களுக்காக கர்நாடக சாஹித்ய அகாடமி சார்பில், பம்பா, ரன்னா, பசவாதி சரணரு, சர்வக்ஞர், கனகதாசர், புரந்தர தாசர், சஞ்சி ஹொன்னம்மா உட்பட பல கவிஞர்களின் படைப்புகள், எளிமையான புத்தகமாக அச்சிட்டு வெளியிடப்படும்

 தலித் கவிஞர் சித்தலிங்கய்யா உட்பட, 50 ஆண்டுகளில் தலித் எழுத்தாளர்களின் படைப்புகளை தொகுத்து, 'அர்த ஷதமானத தலித் சாஹித்யா' என்ற பெயரில் புத்தகம் வெளியிடப்படும். இதற்காக ஒரு கோடி ரூபாய் செலவிடப்படும்

 தலித் கவிஞர் சித்தலிங்கய்யா, நாகராஜ் பெயரில் டிரஸ்ட் அமைக்கப்படும்

 காகோடு சத்தியா கிரகத்தை மையமாக கொண்டு எழுதப்பட்ட, 'கொளகா' புத்தகம் நாடகமாக்கப்பட்டு, மாநிலம் முழுதும் திரையிடப்படும்

 சாமராஜேந்திரா கலை கல்லுாரி வளாகத்தில், கலா கேலரி ஆடிட்டோரியம் கட்டுவது உட்பட சில பணிகளுக்கு இரண்டு கோடி ரூபாய் ஒதுக்கீடு செய்யப்படும்

 சுதந்திர போராட்டத்தில் பங்கேற்று, அந்தமான் தீவில் தண்டனைக்கு ஆளான, கர்நாடகாவின், 59 கன்னடர்களின் வீர வரலாறு, கர்நாடக சாஹித்ய அகாடமி மூலம் புத்தகமாக வெளியிடப்படும்

 கர்நாடக ஒருங்கிணைப்புக்கு, முக்கிய காரணமாக இருந்த, தார்வாடின் கர்நாடக வித்யாவர்த்தகா சங்கத்தின், பல்வேறு பணிகளுக்கு இரண்டு கோடி ரூபாய் ஒதுக்கீடு செய்யப்படும்

 திகளர் ச முதாயத்தினர், பல ஆண்டுகளாக பெங்களூரில் கரக உத்சவம் நடத்துகின்றனர். நடப்பாண்டு கரக உத்சவத்துக்கு இரண்டு கோடி ரூபாய் நிதி வழங்கப்படும்

 துமகூரின் குப்பி வீரண்ணா கலா மந்திரை தரம் உயர்த்த, மூன்று கோடி ரூபாய் வழங்கப்படும்.