l அரசு தொழிற்பயிற்சி மை யங்களை, மத்திய அரசு அறிவித்துள்ள திட்டத்தின் கீழ் மத்திய, மாநில அரசுகள், தொழிலதிபர்களின் ஒருங்கிணைப்பில், ஹப் அண்டு ஸ்போக் போன்று கிளஸ்டர்களாக தரம் உயர்த்தப்படும். 2026 - 27ம் ஆண்டு இரண்டு கிளஸ்டர்கள் அமைக்க, 241 கோடி ரூபாய் செலவிப்படும்

l கலபுரகி மற்றும் மைசூ ரில் தலா, 16 கோடி ரூபாய் செலவில், 'ஷ்னெய்டர் எலக்ட்ரிக் யூத் இம்பாக்ட் சென்டர்'கள் அமைக்கப்படும். இதனால், ஆண்டுக்கு 2,000 மாணவர்களுக்கு பயிற்சி அளிக்கவும், வேலை வாய்ப்பு ஏற்படுத்தவும் உதவியாக இருக்கும்

l ஐ.டி.ஐ.,யில் படித்த மாணவியருக்கு, தொழில் நிறுவனங்களில் அதிகமான வேலை வாய்ப்பு உள்ளது. ஐ.டி.ஐ.,க்களில் மாணவியர் சேர்க்கையை அதிகரிக்கும் நோக்கில், ஆண்டு தோறும், 2,000 ரூபாய் கல்வி கட்டண சலுகை அளிக்கப்படும்

l ஐ.டி.ஐ., மாணவர்களுக்கு, கூடுதலாக இரண்டு பாடங்களை கற்றுத்தருவதன் மூலம், அவர்களுக்கான வேலை வாய்ப்பு அதிகரிக்கப்படும்

l கொப்பாலில் புதிய தொழில்நுட்ப மையம் அமைக்கப்படும். இதற்காக, 20 கோடி ரூபாய் செலவிடப்படும்

l மாவட்ட அளவில் தேவைக்கு தகுந்தார் போன்று, திறன் மேம்பாட்டுக்காக ஒரு கோடி ரூபாய் வீதம், 'சேலஞ்ச் நிதி' ஒதுக்கப்படும். இந்த நிதி உள்ளூர் தொழிலாளர்கள் எதிர் கொள்ளும் பணி தொடர்பான பிரச்னைகளுக்கு தீர்வு காண பயன்படும்

l கர்நாடக திறன் மேம்பாட்டு ஆணையம் சார்பில், கர்நாடக டிஜிட்டல் அகாடமி மிஷனுடன் ஒருங்கிணைந்து, கர்நாடக திறன் மேம்பாடு மற்றும் செயல் திறன் மையம் அமைக்கப்படும்

l அனைத்து திறன் மேம்பாட்டு திட்டங்கள் மற்றும் சேவைகளை, ஒரே கூரையின் கீழ் கொண்டு வர, இரண்டு கோடி ரூபாய் செலவில், 'ஒருங்கிணைந்த திறன் மேம்பாட்டு இணையதளம்' அமைக்கப்படும்

l கிராமப்புறங்களில் முதியோர் நலன் மேம்பாட்டுடன், குழந்தை பிரசவித்த பெண்களை பராமரிக்க வசதி தேவைப்படுகிறது. இதை மனதில் கொண்டு, சுய உதவிக்குழு பெண்களுக்கு, அங்கீகாரம் பெற்ற நிறுவனங்கள் மூலமாக திறன் பயிற்சி அளிக்கப்படும்

l 2026ம் ஆண்டு, 'சர்வதேச விவசாய பெண்கள்' ஆண்டாக கொண்டாடப்படுவதால், 5,000 விவசாய பெண்களுக்கு, அதிநவீன விவசாயம் குறித்து பயிற்சி அளிக்கப்படும்

l நகர்ப்பகுதிகளில் நடைபாதை வியாபாரிகளுக்கு, பொருளாதாரம் மற்று ம் சமூக பாதுகாப்பு அளிக்க, ஆய்வு நடத்தப்படும். அவர்களுக்கு அடையாள அட்டைகள், விற்பனை சான்றிதழ் வழங்க கமிட்டிகள் அமைக்கப்படும். இதற்காக ஏழு கோடி ரூபாய் ஒதுக்கப்பட்டுள் ளது.