கர்நாடகாவில் உள்ள பெரும்பாலான தனியார் பள்ளிகள், அனைத்து சனிக்கிழமைகளிலும் முழு நாள் இயங்கின. தங்கள் விருப்பப்படி பள்ளி நேரத்தை மாற்றியமைத்தன.

பெங்களூரில் உள்ள சில பள்ளிகள், காலை 7:00 மணிக்கே துவக்கப்பட்டன. இதனால், மாணவர்களும், அவர்களின் பெற்றோரும் சிரமப்பட்டனர்.

இவ்விஷயத்திற்கு தீர்வு காணும் வகையில் பள்ளி கல்வித்துறை வெளியிட்டுள்ள அறிக்கை:

கர்நாடகாவில் உள்ள அரசு, அரசு உதவி பெறும், தனியார் என அனைத்து பள்ளிகளிலும், சனிக்கிழமைகளில் காலை 8:30 மணி முதல் மதியம் 12:30 மணி வரை என அரை நாள் மட்டுமே வகுப்புகள் நடத்தப்பட வேண்டும்.

இந்த உத்தரவை அனைத்து பள்ளிகளும் கட்டாயமாக கடைப்பிடிக்க வேண்டும். இந்த முடிவு மாணவர்கள் நலன் கருதி எடுக்கப்பட்டு உள்ளது.

இவ்வாறு அதில் கூறப்பட்டு உள்ளது.