மறுநாள் காலை 8:00 மணியளவில், மனீஷின் வாட்ஸாப் எண்ணில் இருந்து, மனோகர் படேலுக்கு அழைப்பு வந்தது. அதில் மகன் பேசவில்லை. மாறாக வேறு நபர் பேசினார். ‘உங்கள் மகனை கடத்தி வந்துள்ளோம். எங்களுக்கு 90 லட்சம் ரூபாய் வழங்க வேண்டும். வழங்காவிட்டால் உங்கள் மகனை கொலை செய்வோம்’ என மிரட்டினார்.

நான்கைந்து முறை இதே போல் மிரட்டல் வந்தது. அதன்பின் மொபைல் போன் சுவிட்ச் ஆப் ஆனது. பீதியடைந்த தந்தை மனோகர் படேல், ஆர்.ஆர்.நகர் போலீஸ் நிலையத்தில் புகார் அளித்தார். போலீசாரும் மனீஷ் படேலின் மொபைல் எண்ணை டிராக் செய்ய முயற்சித்தனர். மொபைல் சுவிட்ச் ஆப் செய்யப்பட்டிருந்தது.

இதற்கிடையே வேறொரு எண்ணில் இருந்து, மனோகர் படேலுக்கு அழைப்பு விடுத்த நபர், 'பணம் தயாராகிவிட்டதா' என, கேள்வி எழுப்பினார். இந்த எண்ணை போலீசார் டிராக் செய்த போது, ஹாசனில் இருப்பது இருப்பது தெரிந்தது. அங்கு சென்ற போலீசார், நேற்று முன்தினம் இரவு போன் இருந்த வீட்டை கண்டுபிடித்தனர்.

அந்த வீட்டில் மனீஷ் படேலும், அவரை கடத்தியதாக கூறப்பட்ட இரண்டு நபர்களும் அமர்ந்து ஜாலியாக பேசுவதை கண்டு ஆச்சரியம் அடைந்தனர்.

அவர்களை விசாரித்த போது, மனீஷ் படேலின் நாடகம் வெளிச்சத்துக்கு வந்தது. எலக்ட்ரிகல் ஒப்பந்ததாரரான மனீஷ் படேலுக்கு, 1.5 கோடி ரூபாய் கடன் இருந்தது. இதை அடைக்கும் நோக்கில், நண்பர்களுடன் சேர்ந்து தன்னை கடத்தியதாக நாடகமாடி, தந்தையிடம் பணம் பறிக்க திட்டமிட்டதை ஒப்புக்கொண்டார். மூவரையும் கைது செய்தனர்.