செலவில்லா மனநிலை:

செலவில்லா கொண்டாட்டம் என்பது மனநிலை சார்ந்தது. ஒரு முறை தானே என ரெஸ்டாரன்ட் செல்வது அல்லது உணவு டெலிவரியில் ஆர்டர் செய்வது செலவை அதிகமாக்கும். எனவே, செலவு செய்யாமலே கொண்டாட்டத்தில் ஈடுபடலாம் என நினைப்பது மிகவும் முக்கியம்.

கட்டுப்பாடு:

செலவில்லா வார விடுமுறை என தீர்மானித்தவுடன், அந்த இரண்டு நாட்களில் எந்த செலவும் செய்வதில்லை என கட்டுப்பாட்டுடன் இருக்க வேண்டும். உணவு டெலிவரி சேவைகளை தவிர்ப்பதோடு, ஓடிடி சேவைகளை பயன்படுத்துவதையும் கட்டுப்படுத்த வேண்டும். வேறு செலவு செய்யும் பழக்கம் இருந்தால், அதையும் குறைக்க வேண்டும்.

அணுகுமுறை மாற்றம்:

சனிக்கிழமை காலையில் எழுந்ததும் அன்றைய தினத்தை எப்படி செலவிடலாம் என பரபரப்பாக

திட்டமிடுவதற்கு மாறாக, முழு நாளையும் அமைதியான மனநிலையில் அணுக வேண்டும். வீட்டை சுத்தம் செய்வது அல்லது, குடும்ப உறுப்பினர்களுடன் மனம் விட்டு பேசுவது போன்றவற்றை முயற்சிக்கலாம்.

புத்தகம் வாசிப்பு:

உணவை பொருத்தவரை கைவசம் உள்ள பொருட்களை கொண்டு, சுவையாக சமைக்க

முயற்சிக்கலாம். ஏதேனும் புத்தகத்தை எடுத்து வாசித்து பார்க்கலாம். மனதுக்கு பிடித்த இசை கேட்கலாம். தோட்டத்தில் உலா வரலாம். மகிழ்ச்சியாக பொழுதை கழிக்க பல வழிகள் இருப்பதை உணரலாம்.

புதிய திட்டங்கள்:

இணைய யுகத்தில் பல்வேறு பயனுள்ள பொழுதுபோக்குகள் உள்ளன. நாட்குறிப்பு எழுதுவது அல்லது வலைப்பதிவு எழுதுவதை முயற்சிக்கலாம். புதிய திறன் ஒன்றை கற்றுக்கொள்ள முயற்சி செய்யலாம். பரபரப்பு இல்லாமல் வார விடுமுறையை கழிப்பதோடு, மிச்சம் செய்த தொகையை சேமிப்பாக மாற்றலாம்.