யு.பி.ஐ., வாயிலாக, கடந்த மாதம் 23.50 லட்சம் கோடி ரூபாய் மதிப்புக்கு 1,658 கோடி பரிவர்த்தனைகள் மேற்கொள்ளப்பட்டுள்ளன.

எண்ணிக்கையின் அடிப்படையில் பார்க்கும்போது, கடந்த செப்டம்பரில் மேற்கொள்ளப்பட்ட 1,504 கோடி பரிவர்த்தனைகளும்; மதிப்பின் அடிப்படையில் ஜூலையில் மேற்கொள்ளப்பட்ட 20.64 லட்சம் கோடி ரூபாய் பரிவர்த்தனைகளுமே அதிகபட்சமாக இருந்து வந்தது.

செப்டம்பர் மாதத்துடன் ஒப்பிடுகையில், அக்டோபர் மாத பரிவர்த்தனைகளின் எண்ணிக்கை 10 சதவீதமும்; மதிப்பு 14 சதவீதமும் அதிகரித்துள்ளது. கடந்த மாதம் நாள் ஒன்றுக்கு, சராசரியாக 53.50 கோடி யு.பி.ஐ., பரிவர்த்தனைகளும்; அவற்றின் மதிப்பு 75,801 கோடி ரூபாயாகவும் இருந்தன.

இதற்கிடையே, அக்டோபர் மாதத்தில், ஐ.எம்.பி.எஸ்., பாஸ்டேக் மற்றும் ஏ.இ.பி.எஸ்., எனும் ஆதார் பேமென்ட்ஸ் முறை வாயிலான பரிவர்த்தனைகளும் அதிகரித்தன.