கோவையில் செய்தியாளர்களிடம், அமேசான் குளோபல் செல்லிங் இந்தியா தலைவர் ஸ்ரீநிதி கல்வபுடி கூறியதாவது:

இந்திய வர்த்தகத்தின் உலகளாவிய தொடர்பை, இ - காமர்ஸ் வணிகம் மாற்றியமைத்து வருகிறது. ஒவ்வொரு இந்திய தொழில்முனைவோரின் உற்பத்தி பொருளையும், உலகளாவிய சிறந்த பிராண்டாக மாற்றுவதே நோக்கம்.

'அமேசான் குளோபல் செல்லிங்' திட்டத்தை, இந்திய எம்.எஸ்.எம்.இ., விற்பனையாளர்கள் பயன்படுத்தி, உலகளாவிய சந்தைகளில் தங்களது வர்த்தகத்தை விரிவுபடுத்தலாம். அமேசான் வாயிலான இந்திய இ - காமர்ஸ் ஏற்றுமதியை, 2030ல் 80 பில்லியன் அமெரிக்க டாலராக உயர்த்துவதே நோக்கம்.

இவ்வாறு அவர் தெரிவித்தார்.