ஏலக்காய் வர்த்தகர் தனவந்தன் கூறியதாவது:

''மத்திய கிழக்கு நாடுகளுக்கு ஏலக்காய் அதிகளவில் ஏற்றுமதி செய்யப்படுகிறது. கவுதமாலா ஏலக்காய் உற்பத்தி குறைந்ததால் கடந்த 2025 ஏப்., முதலே ஏலக்காய் விலை உயர்ந்து வருகிறது. கடந்த பிப்ரவரியில் ஏலக்காய் விலை ஒரு கிலோ உள்நாட்டில் 2,600 ரூபாய் என்றும், ஏற்றுமதி விலை 2,950 ரூபாய் என்றும் விற்பனையானது.

கடந்த பிப்., 28ம் தேதி போர் துவங்கிய பின் ஏற்றுமதி செய்யப்பட்ட ஏலக்காய் கன்டெய்னர்கள், ஹார்முஸ் ஜலசந்தியை கடக்காததால் இந்தியாவுக்கே திருப்பி அனுப்பப்பட்டு விட்டன. இந்நிலையில், ஏலக்காயின் விலை குறைந்துள்ளது. நேற்று ஒரு கிலோ ஏலக்காய் 2,100 ரூபாய்க்கு விற்பனையானது'', என்றார்.