– பியோ,

இந்திய ஏற்றுமதியாளர்கள் கூட்டமைப்பு

இந்த வட்டி உயர்வு, வீட்டு வசதி துறையில் உடனடியாக பெரிய பாதிப்பை ஏற்படுத்தாது. எனினும், நடுத்தர மற்றும் குறைந்த விலை வீடுகளை வாங்குபவர்களுக்கு இ.எம்.ஐ., சுமை அதிகரிக்க வாய்ப்புள்ளது. கட்டுமான செலவுகளும் அதிகரித்துள்ளதால், இதன் தாக்கம் வரும் காலங்களில் படிப்படியாக எதிரொலிக்கும். அதேநேரத்தில், வட்டி மாற்றங்களால் அதிகம் பாதிக்கப்படாத ஆடம்பர வீடுகளுக்கான தேவையில், இந்த உயர்வு எந்தவித தாக்கத்தையும் ஏற்படுத்தாது என எதிர்பார்க்கப்படுகிறது.

– ஜே.எல்.எல்., இந்தியா

ரியல் எஸ்டேட் சேவைகள் நிறுவனம்

பொருளாதார நிலைத்தன்மைக்கான இந்த நடவடிக்கை வரவேற்கத்தக்கது. அதே நேரத்தில், கடன் வட்டி அதிகரிப்பதால், மக்களின் நுகர்வு திறன் குறையக்கூடும். குறிப்பாக, சிறு தொழில்களின் விரிவாக்கம் மற்றும் புதிய முதலீடுகளை இது பாதிக்க வாய்ப்புள்ளது. இதன் தாக்கம் உடனடியாக அல்லாமல் படிப்படியாகவே தெரியும். ஆனால், நீண்டகால அடிப்படையில் பார்த்தால், ரிசர்வ் வங்கியின் இந்த அணுகுமுறை நாட்டின் பொருளாதார கட்டமைப்பை வலுப்படுத்தவே உதவும்.

– அசோசெம்

தொழில் கூட்டமைப்பு