இதில் கலந்துகொண்டு, மத்திய வர்த்தகத்துறை அமைச்சரகத்தின், வெளிநாட்டு வர்த்தக பிரிவு இணை இயக்குனர் ஆனந்த்மோகன் மிஸ்ரா பேசியதாவது:நாட்டின் ஏற்றுமதி மற்றும் இறக்குமதி வர்த்தக வளர்ச்சி, பிரகாசமாக இருக்கிறது. 'மேக் இன் இந்தியா' திட்டத்தால், புதிய மறுமலர்ச்சி ஏற்பட்டுள்ளது. வரும், 2030ம் ஆண்டுக்குள், நாட்டின் ஒட்டுமொத்த ஏற்றுமதி வர்த்தகம், 83.72 லட்சம் கோடி ரூபாயாக உயரும்; அதற்காக, இலக்கு நிர்ணயம் செய்து, பணிகளை செய்து வருகிறோம்.

ஏற்றுமதி வர்த்தக வளர்ச்சியில், ஜவுளித்துறையின் பங்களிப்பு மிக முக்கியமானது. 'டிஜிட்டல்' தொழில்நுட்ப வளர்ச்சியால், மதிப்பு கூட்டப்பட்ட ஆடை உற்பத்தி வாயிலாக, வர்த்தக மதிப்பை உயர்த்தலாம்; வர்த்தகத்தை மிக வலுவாக கட்டமைக்க முடியும்.இவ்வாறு அவர் பேசினார்.