மேலும் அதில் தெரிவித்துள்ளதாவது:

ஐரோப்பிய யூனியனில் 27 நாடுகள் உறுப்பினராக உள்ளன. இதில், ஸ்பெயின், ஜெர்மனி, பெல்ஜியம், போலந்து ஆகிய நாடுகள் இந்தியாவின் முக்கிய ஏற்றுமதி மையங்களாக உருவெடுத்து வருகின்றன.

குறிப்பாக, ஸ்பெயினுக்கான இந்திய ஏற்றுமதி, நடப்பு நிதியாண்டின் ஏப்ரல் - நவம்பர் வரையிலான காலத்தில் 56 சதவீதம் அதிகரித்துள்ளது.

இந்தியாவின் ஏற்றுமதியில் ஸ்பெயினின் பங்கு 0.5 சதவீதம் உயர்ந்து, 2.4 சதவீதமாக ஆகியுள்ளது.

இதே போன்று, ஜெர்மனிக்கான ஏற்றுமதி, 9.3 சதவீதம் அதிகரித்திருக்கிறது. நாட்டின் மொத்த ஏற்றுமதியில் ஜெர்மனியின் பங்கு 2.6 சதவீதம் ஆகும்.

இதே காலகட்டத்தில் போலந்துக்கான இந்தியப் பொருட்களின் ஏற்றுமதி, 7.6 சதவீதம் உயர்ந்துள்ளது. மேலும், பெல்ஜியத்துக்கான ஏற்றுமதி, 4.76 சதவீத வளர்ச்சி கண்டுள்ளது.

இவ்வாறு அதில் தெரிவித்துள்ளது.

இந்தியா- ஐரோப்பிய யூனியன் இடையே தடையற்ற வர்த்தக ஒப்பந்தம் தொடர்பான பேச்சு நடந்து வருகிறது. ஒப்பந்தம் இறுதியாகும்பட்சத்தில், இந்தியாவில் இருந்து ஆயத்த ஆடைகள், மருந்துப் பொருட்கள், ஸ்டீல், பெட்ரோலிய பொருட்கள் ஏற்றுமதி அதிகரிக்கும் என எதிர்பார்க்கப்படுகிறது.