தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/செய்திகள்/வர்த்தகம்/பொது/ இந்திய பொருள்களுக்கு கிர்கிஸ்தானில் தடை

 இந்திய பொருள்களுக்கு கிர்கிஸ்தானில் தடை

 இந்திய பொருள்களுக்கு கிர்கிஸ்தானில் தடை


ADDED : ஜன 31, 2026 01:06 AM

Follow on GoogleFavourite on Google

ADDED : ஜன 31, 2026 01:06 AM


Follow on Google
Latest Tamil News
அ நிறம் | அளவு

பிஷ்கெக்: இந்தியாவிலிருந்து இறக்குமதி செய்யப்படும் விலங்குகள் மற்றும் விலங்கு சார்ந்த பொருள்களுக்கு, கிர்கிஸ்தான் நாடு தடை விதித்துள்ளது.

இதுகுறித்து கிர்கிஸ்தானின் சுகாதார துறை தெரிவித்துள்ளதாவது:

மேற்கு வங்க மாநிலத்தில், இரண்டு பேர் நிபா வைரஸால் பாதிக்கப்பட்டுள்ளனர். உலக சுகாதார அமைப்பின் அறிவுறுத்தல்படி நிபா வைரஸ் மனிதர்கள் வாயிலாகவும், வவ்வால், பன்றிகள் போன்ற விலங்குகளிடம் இருந்தும், விலங்கில் இருந்து தயாரிக்கப்படும் உணவு பொருள்கள் வாயிலாகவும் பரவுகிறது.

சிங்கப்பூர், மலேசியா, தாய்லாந்து நாடுகளில் இந்தியாவிலிருந்து வருபவர்களை சோதனைக்கு பிறகே அனுமதிக்கின்றனர்.

கிர்கிஸ்தானின் தலைநகர் பிஷ்கேக் மற்றும் ஓஷ் சர்வதேச விமான நிலையங்களில் உடல் வெப்பநிலை உள்ளிட்ட சோதனைகள் மேற்கொள்ளப்பட்ட பிறகே அனுமதிக்கப்படுகிறார்கள்.

இதைத் தொடர்ந்து, இந்தியாவிலிருந்து இறக்குமதி செய்யப்படும் உயிருள்ள விலங்குகள் மற்றும் விலங்கு சார்ந்த உணவுப் பொருள்களுக்கு தற்காலிகமாக தடை விதிக்கப்பட்டுள்ளது.

இவ்வாறு தெரிவித்து உள்ளது.

நிபா வைரஸ் பரவல் குறைவு உலக சுகாதார அமைப்பு இந்தியாவில், 'நிபா' வைரஸ் பரவும் அபாயம் மிகக்குறைவாக உள்ளதால், பயணம் மேற்கொள்ளவும் , வர்த்தகம் செய்யவும் தடைவிதிக்க வேண்டிய அவசியம் இல்லை என, உலக சுகாதார அமைப்பு தெரிவித்துள்ளது. இது குறித்து அந்த அமைப்பு கூறுகையில், 'நிபா வைரஸ், மனிதர்களிடையே இதுவரை அதிகளவில் பரவவில்லை; இப்பரவலை, நாங்கள் தொடர்ந்து கண்காணித்து வருகிறோம். எனவே, இந்தியாவுக்கு பயணம் செய்யவோ அல்லது வர்த்தக தடைகளை விதிக்கவோ பரிந்துரைக்கவில்லை' என, குறிப்பிட்டுள்ளது.



தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us