தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/செய்திகள்/வர்த்தகம்/பொது/ சில்லரை விலை பணவீக்கம் சற்றே உயர்வு

 சில்லரை விலை பணவீக்கம் சற்றே உயர்வு

 சில்லரை விலை பணவீக்கம் சற்றே உயர்வு


ADDED : டிச 13, 2025 01:11 AM

Follow on GoogleFavourite on Google

ADDED : டிச 13, 2025 01:11 AM


Follow on Google
Latest Tamil News
அ நிறம் | அளவு

புதுடில்லி: நாட்டின் சில்லரை விலை பணவீக்கம், கடந்த நவம்பர் மாதத்தில் 0.71 சதவீதமாக சற்றே அதிகரித்துள்ளதாக, மத்திய புள்ளியியல் துறை அமைச்சகம் வெளியிட்டுள்ள தரவுகளில் தெரிவிக்கப்பட்டுள்ளது. எனினும், ரிசர்வ் வங்கி பராமரிக்க வேண்டிய பணவீக்க வரம்பான நான்கு சதவீதத்துக்குள் இது பதிவாகியுள்ளது.

நுகர்வோர் விலை குறியீடு அடிப்படையிலான சில்லரை விலை பணவீக்கம், முந்தைய அக்டோபர் மாதத்தில் வரலாறு காணாத அளவுக்கு 0.25 சதவீதமாக குறைந்திருந்தது. கடந்த சில மாதங்களாகவே தொடர்ந்து குறைந்து வந்த பணவீக்கம், நவம்பரில் சிறிய உயர்வை கண்டுள்ளது.

கடந்த மாதம், கிராமப்புறங்களில் பணவீக்கம் 0.10 சதவீதமாகவும்; நகர்ப்புறங்களில் 1.40 சதவீதமாகவும் இருந்தது. காய்கறி, முட்டை, இறைச்சி மற்றும் எரிபொருள் உள்ளிட்டவற்றின் விலை உயர்வே பணவீக்கம் அதிகரிக்க முக்கிய காரணமானது.

உணவுப் பொருட்கள் பிரிவில் தொடர்ந்து பணவாட்டமே காணப்படுகிறது. எனினும், அக்டோபரில் 5.02 சதவீதமாக இருந்த பணவாட்டம், கடந்த மாதம் 3.91 சதவீதமாக குறைந்துள்ளது.

பொருட்கள் மற்றும் சேவைகளின் விலை தொடர்ந்து குறைவதே பணவாட்டம் எனப்படுகிறது. எரிபொருள் பிரிவு பணவீக்கம் அக்டோபரில் 1.98 சதவீதமாக இருந்த நிலையில், நவம்பரில் 2.32 சதவீதமாக அதிகரித்துள்ளது.

மாதங்கள் பணவீக்கம் (%) 2024 நவம்பர் 5.48 டிசம்பர் 5.22 2025 ஜனவரி 4.26 பிப்ரவரி 3.61 மார்ச் 3.34 ஏப்ரல் 3.16 மே 2.82 ஜூன் 2.10 ஜூலை 1.55 ஆகஸ்ட் 2.07 செப்டம்பர் 1.44 அக்டோபர் 0.25 நவம்பர் 0.71



தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us