மும்பையை தலைமையிடமாகக் கொண்ட மருந்து தயாரிப்பு நிறுவனமான சன் பார்மாசூட்டிகல், உலகம் முழுதும் 100க்கும் மேற்பட்ட நாடுகளுக்கு மருந்துகளை வினியோகித்து வருகிறது. இந்நிறுவனத்தின் சந்தை மதிப்பு, கிட்டத்தட்ட 4.36 லட்சம் கோடி ரூபாய். கடந்த 2023 --24ம் நிதியாண்டுக்கான ஆண்டறிக்கையில், இந்தியாவில் நிறுவனத்தின் கட்டமைப்பை எளிமைப்படுத்தும் நடவடிக்கைக்கு, இயக்குனர்கள் குழு கூட்டத்தில் ஒப்புதல் அளிக்கப்பட்டிருந்ததாக சன் பார்மா தெரிவித்துஇருந்தது.

இதன்படி, 'சன் பார்மாசூட்டிகல் மெடிகேர், கிரீன் எக்கோ டெவலப்மென்ட் சென்டர், பாஸ்ட் ஸ்டோன் மெர்சன்டைல், ரியல் ஸ்டோன் மல்டி டிரேடு, ஸ்கைசென் லேப்ஸ்' ஆகிய நிறுவனங்கள், சன் பார்மாசூட்டிகலுடன் இணைந்து ஒரே நிறுவனமாக மாற உள்ளன.