துருக்கி, அஜர்பைஜான் செல்லாதீர்சுற்றுலா நிறுவனங்கள் அறிவுறுத்தல்

இந்தியா - பாகிஸ்தான் இடையே பதற்றமான சூழல் நிலவி வரும் நிலையில், இந்தியாவைச் சேர்ந்த பல்வேறு சுற்றுலா பயண சேவை நிறுவனங்களும் துருக்கி, அஜர்பைஜான், உஸ்பெகிஸ்தான் ஆகிய நாடுகளுக்கு செல்வதற்கான பயண முன்பதிவுகளை தற்காலிகமாக நிறுத்தி வைத்துஉள்ளன. ஈஸ் மை டிரிப், காக்ஸ் அண்டு கிங்ஸ், டிராவோமின்ட் ஆகிய நிறுவனங்கள், இந்நாடுகளுக்கு பயணம் மேற்கொள்வதை தவிர்க்குமாறு இந்தியர்களை அறிவுறுத்தியுள்ளன. தவிர்க்க முடியாத சூழலில் மட்டுமே பயணம் மேற்கொள்ளவும், மற்றபடி நிலைமை சீரடையும் வரை காத்திருக்கவும் பயனர்களை கேட்டுக் கொண்டுள்ளன. இந்தியாவின் 'ஆப்பரேஷன் சிந்துார்'ஐ எதிர்த்து பாகிஸ்தானுக்கு ஆதரவளிப்பதாக துருக்கியும், அஜர்பைஜானும் அறிவித்திருந்தன.