பெடரல் வங்கி உயர்த்துகிறது

.ஏ.டி.எம்., பயன்பாட்டு கட்டணம், லாக்கர் வாடகை, கணக்கு பராமரிப்பு கட்டணம் உள்ளிட்ட பல்வேறு சேவைகளுக்கான கட்டணத்தை அடுத்த மாதம் முதல் உயர்த்த உள்ளதாக, பெடரல் வங்கி அறிவித்துள்ளது.பெடரல் வங்கி ஏ.டி.எம்.,களில் அதன் வாடிக்கையாளர்கள் மேற்கொள்ளும் பரிவர்த்தனைகளுக்கு எந்த கட்டணமும் வசூலிக்கப்படாது.
வழக்கம் போல மாதத்துக்கு ஐந்து முறை பிற வங்கி ஏ.டி.எம்.,களை இலவசமாக பயன்படுத்தலாம். இதன் பின், பணம் எடுப்பதற்கு 23 ரூபாயும்; இருப்பை அறிந்துகொள்வது உள்ளிட்ட சேவைகளுக்கு 12 ரூபாயும் வசூலிக்கப்படும். போதிய இருப்பு இல்லாத காரணத்தால் ரத்தாகும் பரிவர்த்தனைகளுக்கு 25 ரூபாய் கட்டணம் வசூலிக்கப்படும். வெவ்வேறு கணக்குகளுக்கு ஏற்றாற் போல குறைந்தபட்ச இருப்பு பராமரிப்பு வரம்பு நிர்ணயிக்கப்பட்டுள்ளது. தவறும்பட்சத்தில், அதிகபட்சமாக 375 ரூபாய் வரை அபராதம் விதிக்கப்படும் என தெரிவிக்கப்பட்டுள்ளது.