தினமலர் டிவி
Podcast
iPaper
சினிமா
கோயில்கள்
புத்தகங்கள்
Subscription
திருக்குறள்
கடல் தாமரை
பிக்கி தலைவராக பொறுப்பேற்றார் ஆனந்த் கோயங்கா
இந்திய தொழில் மற்றும் வர்த்தக சங்கங்களின் கூட்டமைப்பான பிக்கியின் தலைவராக, ஆர்.பி.ஜி., குழும துணை தலைவர் ஆனந்த் கோயங்கா பொறுப்பேற்றுள்ளார். பிக்கி தலைவராக இருந்த, இமாமி நிறுவன நிர்வாக இயக்குனரான ஹர்ஷ வர்த்தன் அகர்வால் பதவிக்காலம் நிறைவடைந்த நிலையில், 2025-26ம் ஆண்டுக்கு தலைவர் பொறுப்பில் ஆனந்த் இருப்பார். டால்மியா பாரத் நிறவனத்தின் நிர்வாக இயக்குனர் புனீத் டால்மியா, பிக்கி அமைப்பின் புதிய துணைத் தலைவராக இருப்பார் என்றும் அந்த அமைப்பின் அறிக்கையில் கூறப்பட்டுள்ளது.
நடப்பு நிதியாண்டில் ஜி.டி.பி., வளர்ச்சி 7.60% எஸ்.பி.ஐ., கணிப்பு
நடப்பு நிதியாண்டின் ஒட்டுமொத்த ஜி.டி.பி., வளர்ச்சி 7.60 சதவீதமாக இருக்கும் என பாரத ஸ்டேட் வங்கியின் பொருளாதார நிபுணர் குழு கணித்துள்ளது. கடந்த இரண்டாவது காலாண்டில், நாட்டின் ஜி.டி.பி., வளர்ச்சி, கணிப்புகளை தாண்டி 8.20 சதவீதம் என மத்திய புள்ளிவிபர அமைச்சகம் அறிவித்திருந்தது. இந்நிலையில், முதல் மற்றும் இரண்டாம் காலாண்டுகளின் வளர்ச்சியை அடிப்படையாக கொண்டு எஸ்.பி.ஐ., நிதியாண்டு முழுதுக்கும் கணிப்பை வெளியிட்டுள்ளது. அதன்படி, தனது முந்தைய கணிப்பை மாற்றி, 7.60 சதவீத வளர்ச்சி ஏற்படும் என்று கூறியுள்ளது.
எச்.டி.எப்.சி., வங்கிக்கு ஆர்.பி.ஐ., ரூ.91 லட்சம் அபராதம்
விதிமுறைகளை சரிவர கடைப்பிடிக்காத குறைபாடுகளுக்காக, தனியார் வங்கியான எச்.டி.எப்.சி.,க்கு ரிசர்வ் வங்கி 91 லட்ச ரூபாய் அபராதம் விதித்துள்ளது. கே.ஒய்.சி., எனப்படும் வாடிக்கையாளர் விபர சரிபார்ப்பு விதிமுறைகள் தொடர்பாக, இந்த குறைபாடுகள் கண்டறியப் பட்டதாக ஆர்.பி.ஐ., தெரிவித்துள்ளது. இதற்கு முன், 2020ல், தேவையான தகவல் தொழில்நுட்ப பாதுகாப்பு முறையின்றி, புதிய கிரெடிட் கார்டுகளை வழங்கியது கண்டறியப்பட்டு, கிரெடிட் கார்டுகளை வழங்க எச்.டி.எப்.சி., வங்கிக்கு ரிசர்வ் வங்கி தடை விதித்தது.