மெய்நிகர் மாதிரி செயலி இந்தியாவிலேயே முதல் முறையாக துாத்துக்குடி வ.உ.சிதம்பரனார் துறைமுகத்தில் மெய்நிகர் மாதிரி செயலி திட்டம் அறிமுகப்படுத்தப்பட்டு உள்ளது. துறைமுகத்தின் உட்கட்டமைப்பு, சரக்கு கையாளும் செயல்பாடு மற்றும் கடல்சார் சுற்றுச்சூழல் அமைப்பின் நிகழ்நேர மெய்நிகர் பிரதியை உருவாக்கும் வகையில், டிஜிட்டல் டுவின் என்ற மெய்நிகர் செயலி திட்டம் அறிமுகமாகி உள்ளது.
இந்த வசதி இணைய தொழில்நுட்பம் சார்ந்த சென்சார்கள், ஜி.பி.எஸ்., கண்காணிப்பு, லைடார் வரைபட அமைப்பு, ட்ரோன் படமெடுப்பு மற்றும் சிசிடிவி வலையமைப்புகள் போன்ற மேம்பட்ட தொழில்நுட்பங்களை பயன்படுத்தி, துறைமுக நிலைகளை நேரடியாக கண்காணித்து, அனைத்து செயல்பாட்டு துறைகளின் செயல்பாடுகளையும் சீராக ஒழுங்குபடுத்த உதவுகிறது.