மு தலீட்டாளர்களின் புகார்களுக்கு விரைந்து தீர்வு காணும் நோக்கில் செயல்பட்டு வரும் செபியின் 'ஸ்கோர்ஸ்' ஆன்லைன் தளம் வாயிலாக, கடந்த மே மாதத்தில் மட்டும் 5,500க்கும் மேற்பட்ட புகார்களுக்கு தீர்வு காணப்பட்டுள்ளது. கடந்த மே மாதத்தில் மட்டும் இந்த தளத்திற்கு புதிதாக 4,918 புகார்கள் வந்தன. அதே நேரத்தில், முன்னரே நிலுவையில் இருந்த புகார்களையும் சேர்த்து, மொத்தம் 5,548 புகார்களுக்கு செபி வெற்றிகரமாக தீர்வு கண்டுள்ளது. இதன் காரணமாக, மே மாத இறுதியில் நிலுவையில் உள்ள மொத்த புகார்களின் எண்ணிக்கை 5,537 ஆக குறைந்துள்ளது. இது அதற்கு முந்தைய மாதத்தில் 6,167 ஆக இருந்தது குறிப்பிடத்தக்கது.