இத்தனை ஆண்டுகளில் ஒருமுறை கூட, யாருக்கும் மருத்துவ காப்பீட்டை கோரவில்லை. என்னால் இந்த பாலிசியை புதுப்பிக்க முடியாதா? சலுகைக் காலம் மூன்று மாதம் தான் என்கின்றனர். புதுப்பிக்க முடியாத நிலையில், நான் செலுத்திய தொகையில் அபராதம் விதித்து, மீதி தொகையை பெற எனக்கு உரிமையில்லையா?

அல்லது அபராதத்துடன் மீண்டும் காப்பீட்டை தொடர வழியில்லையா? தயவு செய்து மேற்கொண்டு என்ன செய்ய வேண்டும் என்று விளக்கம் தரவும்.

மோகன் ராகவன், ஆனைமலை,

பொள்ளாச்சி.

உங்கள் நிலைமைக்கு என் அனுதாபங்கள். ஆனால், ஆயுள் காப்பீட்டைப் போல புதுப்பிக்கப்படாத மருத்துவமனை சேர்க்கை காப்பீட்டு பாலிசியை மறுபடியும் உயிர்ப்பிக்க முடியாது.

இப்படியான பாலிசிகள் காலத்தில் அல்லது நிறுவனத்தால் வழங்கப்படும் கிரேஸ் காலத்திற்குள் (பொதுவாக 30 நாட்கள்) புதுப்பிக்கப்பட வேண்டும். நிறுவனங்கள் நினைவூட்டல் அனுப்பினாலும், புதுப்பிப்பு தேதியை கவனத்தில் வைத்து, காலத்திற்கு முன் கட்டணம் செலுத்துவது முழுதும் உங்கள் பொறுப்பு.

ஒரு யோசனை - உங்கள் தொடர்பு விபரங்கள் காப்பீட்டு நிறுவனத்தில் அப்டேட்டாக உள்ளதா? இதை பார்த்து அவசியமெனில் சரிசெய்யவும். இது நீங்கள் தொடர்பு கொள்ளும் மற்ற அனைத்து காப்பீட்டு நிறுவனங்கள், நிதி நிறுவனங்கள் மற்றும் அரசு துறைகளுக்கும் பொருந்தும்.

காப்பீட்டை துவங்குதல் புதிய பாலிசி எடுக்க மருத்துவப் பரிசோதனை இருக்கலாம். உங்களுக்கு பாலிசி அளிக்கலாமா? எத்தனை பிரீமியம்? என அனைத்தும் புதிதாக மதிப்பீடு செய்யப்படும். இந்த செயல்முறையில், தற்போது உங்களுக்கு உள்ள பெனிபிட்டைத் தக்க வைத்துக்கொள்ள, நீங்கள் எழுத்துப்பூர்வமாக ஒரு கோரிக்கை கொடுக்க முயல வேண்டும்.

உங்கள் மருத்துவப் பரிசோதனை நல்ல விதமாக இருந்தால், நீங்கள் நீண்டகாலம் வைத்திருந்த பாலிசியை கருத்தில் கொண்டு, முந்தைய பிரீமியம் விகிதத்தை மீண்டும் வழங்க, போனஸ் / கூடுதல் காப்பீட்டு தொகையை மீண்டும் சேர்க்க, முன் இருந்த நோய்களுக்கு உள்ள காத்திருப்பு காலம் மற்றும் பிற குறிப்பிட்ட காத்திருப்பு காலங்களைத் தளர்த்த அதில் கோரிக்கை வைக்கலாம்.

உங்கள் மருத்துவப் பரிசோதனை சிறப்பாக இருந்தால், நீண்டகால வாடிக்கையாளராக, உங்கள் நம்பிக்கையை மதிக்கும்படி வலியுறுத்தலாம். அவ்வளவாக சரியில்லையெனினும், இந்த கோரிக்கையை வலுவாகச் செய்யுங்கள் -  அவர்கள் உங்களுக்கு சற்று உயர்ந்த பிரீமியத்துடன் கூட இந்நலன்களை மீண்டும் வழங்கக்கூடும். 24 - 36 மாத காத்திருப்பு காலத்தை மீண்டும் துவங்குவதைவிட இது நல்லதே. 'பிரீமியம் கொடுத்தேன்; கிளெய்ம் செய்ததே இல்லை' என்பது ஒரு தவறான எண்ணம்.

நீங்கள் பிரீமியம் செலுத்துவது, எதிர்பாராத செலவுகளை ஈடுசெய்யும் பாதுகாப்புக்காக. உங்களுக்கு செலவுகள் ஏற்பட்டாலும் இல்லாவிட்டாலும்; பிரீமியம் தனது வேலையை செய்கிறது. அது திருப்பித் தரப்பட வேண்டியதில்லை. நீங்கள் அதில் லாபத்தை எதிர்பார்க்கக் கூடாது. இன்சூரன்ஸ் என்பது முதலீடு அல்ல, பாதுகாப்பு என்பதை மனதில் கொள்ளுங்கள்.

கடைசியாக, மிகவும் முக்கியமான ஒரு விஷயம். எந்த திட்டத்தைத் தேர்ந்தெடுத்தாலும், புதுப்பிப்பு தேதிகளை மறந்துவிடாதீர்கள்.

க.நித்ய கல்யாணி

காப்பீடு குறித்த நிபுணத்துவ

எழுத்தாளர், பெருநிறுவன

வரலாற்றாசிரியர்