இந்த மாதத்தில், பிராந்தியத்திலுள்ள மற்ற கரன்சிகளை விட ரூபாய் சிறப்பாக செயல்படுகிறது.

இந்தியாவில் பல முக்கிய நிறுவனங்கள் ஐ.பி.ஓ., வாயிலாக கிட்டத்தட்ட 41,000 கோடி திரட்டலாம் என எதிர்பார்க்கப்படுகிறது. இதில் வெளிநாட்டுப் பங்கேற்பு, ரூபாய்க்கு ஸ்திரத்தன்மையை தர உதவும்.

அமெரிக்கா - சீனா வர்த்தக பேச்சை முன்னிட்டு, உலகளாவிய சந்தைகளில் சாதகமான மனநிலை நிலவுகிறது. இதனால், ரூபாய்க்கு இருந்த உடனடி அழுத்தம் குறைந்துள்ளது.

இன்று வரவிருக்கும் பெடரல் ரிசர்வ் கொள்கை முடிவு கவனத்தை ஈர்ப்பதாக உள்ளது. 25 அடிப்படைப் புள்ளிகள் வட்டி குறைப்புக்கு, 97.80% வாய்ப்பு இருப்பதாக கூறப்படுகிறது.

பெடரல் வங்கியின் மென்மையான நிலைப்பாடு, டாலரின் மதிப்பை பலவீனப்படுத்தக்கூடும்.

ரூபாய், 88.40 அருகே வலுவான எதிர்ப்பைக் காணும் என்று எதிர்பார்க்கப்படுகிறது. ஆதரவு நிலை 87.60 - 87.70ஐ சுற்றி உள்ளது. ஆதரவு மண்டலமான 87.60 - 87.70ஐ உடைத்துக் கீழ்நோக்கிச் சென்றால், ரூபாய், 87.20 நிலையை நோக்கி நகர வாய்ப்புள்ளது.

அமித் பபாரி,

நிர்வாக இயக்குநர்,

சி.ஆர்.போரக்ஸ் அட்வைசர்ஸ்