இந்த இரண்டுக்குமான இடைவெளி ஏற்கனவே 100 ரூபாயாக இருந்த நிலையில், தற்போது 500 ரூபாயாக அதிகரிக்கப்பட்டுள்ளது.

இந்த மாற்றம் ஏற்கனவே வர்த்தகத்தில் உள்ள மற்றும் இனி வரப்போகும் ஒப்பந்தங்களுக்கும் பொருந்தும் என எம்.சி.எக்ஸ்., தெரிவித்துள்ளது.

எதிர்காலத்தில் கமாடிட்டி சந்தையில் ஒரு பொருளை எந்த விலைக்கு வாங்கலாம் அல்லது விற்கலாம் என நீங்கள் முன்கூட்டியே முடிவு செய்யும் விலையே, ஸ்டிரைக் பிரைஸ் எனப்படுகிறது.

உதாரணத்திற்கு, ஆப்ஷன் வர்த்தகத்தில் 1,60,100 ரூபாய், 1,60,200 ரூபாய் என விலைகள் இருந்தால் இனி, 1,60,500 ரூபாய், 1,61,000 ரூபாய் என்ற இடைவெளியில் மட்டுமே விலையை தேர்வு செய்ய முடியும்.

தங்கம் விலை லட்சம் ரூபாய்க்கு மேல் உயர்ந்துவிட்டதால், 100 ரூபாய் இடைவெளி என்பது மிகச்சிறியது. எனவே, வர்த்தகத்தை எளிமையாகவும் வேகமாகவும் மாற்றவே, இந்த 500 ரூபாய் இடைவெளி கொண்டுவரப்பட்டுள்ளது.