இதற்கிடையில், தங்கம் 4,000 டாலரைக் கடந்து அதிரடியாக முன்னேறிஉள்ளது. உலகளாவிய பதற்றங்களுக்கு மத்தியில், முதலீட்டாளர்கள் அடைக்கலம் தேடி, இந்த மஞ்சள் உலோகத்தில் முதலீடு செய்கின்றனர்.

இது ஒரு அரிய காட்சி. வலுவான டாலரும், உயரும் தங்கமும் ஒரே நேரத்தில் நகர்கின்றன. இது வலிமையால் அல்ல, மாறாக பயம், எச்சரிக்கை மற்றும் சந்தை நிச்சயமற்ற தன்மையால் உந்தப்படுகிறது.

உலகளாவிய முதலீட்டாளர்கள், வளர்ந்து வரும் சந்தைகளில் மிகுந்த எச்சரிக்கையுடன் செயல்படுகின்றனர். இதன் பாதிப்பை ரூபாய் அமைதியாகத் தாங்குகிறது. புதிய துாண்டுதல்கள் தோன்றும் வரை ரூபாய் ஒரு குறிப்பிட்ட வரம்பிற்குள்ளேயே இருக்கும்.

ரூபாய் ஒரு குறுகிய வரம்பில் வர்த்தகம் செய்யும்போது, அது பெரும்பாலும் திடீர் ஏற்றம் அல்லது வீழ்ச்சியால் ஆச்சரியத்தை அளிக்கும்.

தொழில்நுட்ப ரீதியாக, 88.80 - 88.85 ஒரு முக்கியத் தடையாகவே உள்ளது. இதை மீறினால், ரூபாய் 89.00 - 89.20 வரம்பை நோக்கி உயரலாம். மறுபுறம், 88.20 - 88.40 வரம்பில் ஆதரவு உள்ளது. இந்த வரம்பிற்கு கீழே சென்றால், அது ரூபாயின் மதிப்பு உயரும் போக்கைத் துாண்டும்.