இந்நிலையில், தங்கம், வெள்ளி, பங்குகள் என பல்வேறு திட்டங்களில் முதலீடு செய்ய நினைப்பவர்களுக்கு, பிளாட்டினம் ஒரு நல்ல வாய்ப்பாக அமையும் என, நிபுணர்கள் தெரிவிக்கின்றனர்.

முதலீடு செய்வது எப்படி

1 தங்கம், வெள்ளி ஆபரணங்களைப்போல, பிளாட்டினத்தையும் வாங்கலாம். நகைக்கடைகள், ஆன்லைன் தளங்கள் வாயிலாக பிளாட்டினத்தால் ஆன நாணயங்கள், கட்டிகளையும் வாங்கலாம்.

நேரடியாக வாங்கும் போது 'பிளாட்டினம் கில்ட் இண்டியா'வின் சான்றிதழ் அல்லது அங்கீகரிக்கப்பட்ட 'ஹால்மார்க் முத்திரை' இருப்பதை உறுதி செய்வது அவசியம்.

2 தங்கம், வெள்ளிக்கு இருப்பதுபோல, இந்திய பங்குச்சந்தைகளில் பிளாட்டினம் இ.டி.எப்.,கள் கிடையாது.

ஆனால் 'ஜீரோதா, குரோ, ஐ.சி.ஐ.சி.ஐ., டைரக்ட்' போன்ற செயலிகள் வாயிலாக, சர்வதேச சந்தைகளில் பட்டியலிடப்பட்டுள்ள பிளாட்டினம் இ.டி.எப்.,களில் முதலீடு செய்ய முடியும்

கவனிக்க வேண்டிய ரிஸ்குகள்

1 வெளிநாட்டு சந்தையில் முதலீடு செய்யும்போது, டாலர்- ரூபாய் மதிப்பு மாற்றத்தால் லாபம் அல்லது நஷ்டம் ஏற்பட வாய்ப்புள்ளது.

2 தங்கம் போல் இல்லாமல், பிளாட்டினம் தொழிற்சாலைகளிலும் பயன்படுவதால், இதன் விலை பொருளாதாரச் சூழலுக்கு ஏற்ப அதிக ஏற்ற இறக்கங்களைச் சந்திக்கக்கூடும்.