'இண்டிகோவின்' தாய் நிறுவனமான, 'இன்டர்குளோப் ஏவியேஷனின்' பங்குகள், கடந்த நான்கு வர்த்தக தினங்களில், 7.30 சதவீதம் சரிந்துள்ளது. தேசிய பங்குச் சந்தையில், நேற்று மட்டும் இந்நிறுவனத்தின் பங்குகள் 1.27 சதவீதம் சரிந்து, ஒரு பங்கின் விலை 5,367.50 ரூபாயாக இருந்தது.

டிசம்பர் ஒன்றாம் தேதி முதல் இதுவரை, இந்நிறுவனத்தின் சந்தை மதிப்பு 16,191 கோடி ரூபாய் குறைந்து, 2.07 லட்சம் கோடி ரூபாயாக வீழ்ச்சியடைந்துள்ளதாக, புள்ளிவிபரங்கள் கூறுகின்றன.