ஐ.பி.ஓ.,வுக்கு வரும் 'சத்யா ஏஜென்சீஸ்'

துாத்துக்குடியை சேர்ந்த 'சத்யா ஏஜென்சீஸ்' நிறுவனம், ஐ.பி.ஓ., வெளியிடுவதற்கு அனுமதி கேட்டு செபியிடம் 'டி.ஆர்.ஹெச்.பி.,' ஆவணங்களை சமர்பித்துள்ளது. இந்த ஐ.பி.ஓ., வெளியீட்டின் வாயிலாக மொத்தம் 600 கோடி ரூபாய் நிதியை முதலீட்டாளர்களிடமிருந்து திரட்ட திட்டமிட்டுள்ளது. இதில், 300 கோடி ரூபாய் மதிப்பிலான புதிய பங்குகள் வெளியிடப்படுகின்றன. ஓ.எப்.எஸ்., முறையில் 300 கோடி ரூபாய் மதிப்புள்ள பங்குகள் விற்கப்பட இருக்கின்றன. கடன்களை அடைக்கவும், நிறுவனத்தின் இதர வளர்ச்சி தேவைகளுக்கும் இந்த நிதியை இந்நிறுவனம் பயன்படுத்தும் என தெரிகிறது.