குறிப்பாக, 'ஹெச்.சி.எல்.,டெக்' நிறுவன பங்குகள் 10 சதவீதத்துக்கும் மேல் சரிந்ததை தொடர்ந்து, 'டெக் மஹிந்தரா, கோபோர்ஜ்' உள்ளிட்ட நிறுவனங்களும் வீழ்ச்சியை சந்தித்தன. இருப்பினும், முதலீட்டாளர்களின் பார்வை இன்று வெளியாக உள்ள இன்போசிஸ் நிறுவன காலாண்டு முடிவுகள் பக்கம் திரும்பியுள்ளது.

வீழ்ச்சிக்கு காரணங்கள்

1 ஹெச்.சி.எல்.,டெக்., தனது வருவாய் வளர்ச்சியை, வெறும் 1- 4 சதவீதம் என்ற அளவில் மட்டுமே கணித்துள்ளது. இதனால், ஐ.டி., துறையின் எதிர்கால வளர்ச்சி குறித்த அச்சம்

2 அமெரிக்காவில் டெலிகாம், உற்பத்தி துறை நிறுவனங்கள் தகவல் தொழில்நுட்ப திட்டங்களுக்கு செலவுகளை அதிகளவு குறைத்துள்ளது

3 ஏ.ஐ.,யின் அசுர வளர்ச்சியால் ஐ.டி., சேவைகளின் விலை குறைந்து, வருவாயில் 3 - 5 சதவீதம் வரை பாதிப்பு ஏற்படலாம் என்ற கணிப்பு

4 உலகளாவிய பொருளாதார சூழலால், நிறுவனங்கள் புதிய ஒப்பந்தங்களில் கையெழுத்திட தயக்கம் காட்டுவது.