'வோ டபோன் ஐடியா' நிறுவன பங்குகள், கடந்த ஒரு வாரத்தில் கிட்டத்தட்ட 6 சதவீதமும், கடந்த ஒரு மாதத்தில் 43 சதவீதமும் உயர்ந்துள்ளதாக என்.எஸ்.இ., தரவுகள் தெரிவிக்கின்றன.

கடந்த 2025ம் ஆண்டு ஆகஸ்ட் மாதத்தில், 52 வார குறைந்தபட்ச விலையான 6.12 ரூபாயில் இருந்த இந்நிறுவன பங்கு, மே 19ம் தேதி 52 வார உச்ச விலையான 13.68 ரூபாயை தொட்டுள்ளது.

கடந்த மார்ச் 31ம் தேதியுடன் முடிந்த காலாண்டில், நிறுவனம் 51,970 கோடி ரூபாய் ஒருங்கிணைந்த நிகர லாபத்தை பதிவு செய்தது. நிறுவனத்தின் செயல்பாட்டு வருவாய் முந்தைய ஆண்டை விட 3 சதவீதம் உயர்ந்து 11,332 கோடி ரூபாயாக அதிகரித்ததும் பங்கு உயர்விற்கான முக்கிய காரணமானது.

டி.சி.சி., கட்டணத்தை உயர்த்திய 'ஐ.சி.ஐ.சி.ஐ., வங்கி'

ஐ .சி.ஐ.சி.ஐ., வங்கி தனது டெபிட் கார்டுகளுக்கான, 'டைனமிக் கரன்சி கன்வெர்ஷன்' கட்டணத்தை ஒரு சதவீதத்திலிருந்து 3.5 சதவீதமாக உ யர்த்தியுள்ளது .

வெளிநாடுகளில் பொருட்கள் அல்லது சேவைகளை வாங்கி, இந்திய ரூபாயில் டெபிட் கார்டு வாயிலாக பணம் செலுத்துபவர்கள் மற்றும் இந்தியாவில் இருந்தபடியே வெளிநாட்டு ஆன்லைன் தளங்களில் பரிவர்த்தனை மேற்கொள்பவர்களுக்கு இந்த புதிய கட்டணம் பொருந்தும். இந்த கட்டண உயர்வு வரும் ஜூன் 21 முதல் அமலுக்கு வருவதாக தெரிவிக்கப்பட்டுள்ளது.