பங்குச்சந்தையில், ஒரு நிறுவனம் இரண்டாக பிரியும்போது, குறியீட்டு மதிப்பில் பெரிய ஏற்ற, இறக்கம் வராமல் இருக்க, புதிய நிறுவனத்தை தற்காலிக பெயரில், பூஜ்ஜிய மதிப்பில் தற்காலிகமாக சேர்த்து, அதன் விலையை கண்டறிந்த பிறகு, குறியீட்டிலிருந்து நீக்கி விடுவது வழக்கம்.

அந்த வகையில், நுகர்பொருட்கள் தயாரிப்பில் முன்னணி நிறுவனமான ஹிந்துஸ்தான் யுனிலீவரில் இருந்து, வரும் டிச., 5ம் தேதி முதல் அதன் ஐஸ்கிரீம் வணிகமான குவாலிட்டி வால்ஸ் தனியாக பிரிந்து செயல்பட உள்ளது.

இதனையொட்டி, தற்காலிகமாக குவாலிட்டி வால்ஸ் இந்தியா, நிப்டி குறியீடுகளில், பூஜ்ய விலைக்கு சேர்க்கப்பட உள்ளது. நிப்டி 50 குறியீடு மட்டுமின்றி, நிப்டி 100, நிப்டி 200 மற்றும் நிப்டி 500, நிப்டி எப்.எம்.சி.ஜி., நிப்டி கன்ஸம்சன், நிப்டி எம்.என்.சி., உள்ளிட்ட குறியீடுகளில் இடம்பெற உள்ளது.