ஜூன் மாத முன்பேர வர்த்தகம் தொடங்கிய 3 நாட்களில் மட்டும் எப் அண்டு ஓ., பிரிவில் பங்குகள் கையில் இல்லாமல் விற்பனை செய்யும் முறையான 'ஷார்ட்' ஒப்பந்தத்தில் 70,315 லாட்டுகள் எடுத்திருப்பது தெரியவந்துள்ளது.

இவர்களின் 'லாங் - ஷார்ட் விகிதம்' 3 மாத அடிமட்டமான 0.11 ஆக குறைந்துள்ளது. அதாவது, அவர்கள் வைத்துள்ள 10 வர்த்தக பொசிஷன்களில் 9 பொசிஷன்கள், 'சந்தை மேலும் சரியும்' என்ற கணிப்பிலேயே உள்ளன. ஆனால், இந்திய சிறு முதலீட்டாளர்கள் 'சந்தை மேலே ஏறும்' என்ற நம்பிக்கையில் அதிகளவில் பங்குகளை வாங்கி வருகின்றனர். இவர்களின் லாங் - ஷார்ட் விகிதம் 2 மாத உச்சமாக 2.96 ஆக உள்ளது.

கச்சா எண்ணெய் விலை உயர்வு, பருவமழை நிச்சயமற்ற நிலை, நிறுவனங்களின் வருவாய் மீதான அழுத்தம் மற்றும் இந்தியாவின் அதிகப்படியான சந்தை மதிப்பு ஆகியவை தற்போதைய வளர்ச்சிக்கு முட்டுக்கட்டையாக உள்ளன.

அன்னிய முதலீட்டாளர்களின் வெளியேற்றத்தால் அடுத்த 3 மாதங்களுக்கு இந்திய சந்தை மந்தமான வளர்ச்சியையே பதிவு செய்யக்கூடும் என நிபுணர்கள் கணித்துள்ளனர்.